Արվեստի դիվանագիտություն. Տեղի է ունեցել իրանական գորգերի վերաբերյալ հրատարակված գրքերի շնորհանդեսը
Այսօր տեղի է ունեցել իրանական գորգերի վերաբերյալ հրատարակված հետազոտական ու կրթական գրքերի, հմտությունների դիվանագիտության գրքի, և ձեռարվեստի ոլորտում կին ձեռներեցների բանկի շնորհանդեսը:
Թեհրանի «Աբրար» մշակութային ուսումնասիրությունների ու հետազոտությունների միջազգային ինստիտուտի տնօրեն՝ Աբեդ Աքբարին շնորհանդեսի ժամանակ ունեցած ելույթում ընդգծել է, որ մշակույթը մեկ կամ մի քանի ժողովուրդների և կառավարությունների միջև հարաբերությունների ընդլայնման միջազգային միջոց է:
Աբեդ Աքբարին նշել է.«Առանց սահմանների մշակութային դիվանագիտությունը խաղաղության և միջազգային հարաբերությունների դյուրացման միջոց է: Այն նաև թույլ է տալիս մարդկանց բարձրացնել իրենց գաղափարախոսության արվեստի և մշակույթի մակարդակը»:
Միջոցառմանը ելույթ է ունեցել նաև Հունաստանում և Ադրբեջանում Իրանի Իսլամական Հանրապետության նախկին մշակութային կցորդ Մոհամեդ Ռեզա Փաքռավանը:
Նա ասել է.«Իրանի ձեռարվեստի ոլորտում գործում է 295 ճյուղ, ուստի ձեռարվեստը կարող է երկրի համար աշխարհի հետ հաղորդակցվելու հնարավորություններ ստեղծել, հատկապես, երբ մեր երկրի դեմ պատժամիջոցներ են կիրառվում»: