Խաթիբզադե.Սիոնիստական անօրինական ռեժիմը պետք է վերջ դնի անհիմն մեղադրանքներ հնչեցնելուն
ԻԻՀ ԱԳ նախարարության խոսնակն ընդգծել է.«Սիոնիստական անօրինական ռեժիմը պետք է վերջ դնի Իրանի դեմ անհիմն մեղադրանքներ հնչեցնելուն»:Այս մասին հաղորդում է ԻՌՆԱ լրատվական գործակալությունը:
Իսրայելական նավթատար նավի վրա հարձակման մեջ Իրանի ներգրավվածության կապակցությամբ Սիոնիստական ռեժիմի և ԱՄՆ -ի մեղադրանքների վերաբերյալ Իրանի արտաքին գործերի նախարարության խոսնակ Սաիդ Խաթիբզադեն կիրակի օրն ասել է.«Սա առաջին անգամ չէ,որ Սիոնիստական ռեժիմը նման մեղադրանքներ է հնչեցնում:Այս մեղադրանքները հնչում են ԱՄՆ-ում Երուսաղեմը բռնագրավող ռեժիմի ճանաչված լոբիի շրջանակում»:
Իրանի ԱԳ նախարարության խոսնակը նշել է.«Որտեղ որ այս ռեժիմը ոտք է դրել, իր հետ տարել է անապահովություն, բռնություն, ահաբեկչություն և պատերազմ, ինչի համար պատասխանատուն են նրանք, ովքեր այդ ռեժիմին բերեցին այս տարածաշրջան»:
ԱՄՆ սենատորները նախագահ Ջո Բայդենին կոչ են արել կանխարգելել Իրանի նորընտիր նախագահ Սեյեդ Էբրահիմ Ռայիսիի մուտքը ՄԱԿ: Խաթիբզադեն այս մասին ասել է.«Նման դիմումներ ներկայացնելը մանկական քայլեր են և արվում են հակաիրանական լոբբիների շրջանակում»:
Իրանի արտաքին գործերի նախարարության խոսնակը նշել է.«Միացյալ Նահանգները ՄԱԿ-ի կենտրոնակայանի նկատմամբ ունի որոշակի պարտականություններ, ուստի պետք է գործի իր պարտականությունների սահմաններում՝ երկրների հետ ունեցած տարաձայնություններից անկախ»:
ԱՄՆ պետքարտուղար Էնթոնի Բլինքենը և եվրոպական որոշ երկրներ սպառնացել են,որ ՀԳՀԾ-ն վերականգնելու շուրջ բանակցությունները չեն կարող հավերժ շարունակվել: Այդ մասին Իրանի ԱԳ նախարարության խոսնակն ասել է.«ԱՄՆ-ն, որպես ՀԳՀԾ-ն խախտող երկիր, որն անարդարացի պատժամիջոցներ է սահմանել Իրանի ժողովրդի նկատմամբ և տնտեսական պատերազմում մեծ խնդիրներ է առաջացրել, այնպիսի դիրքում չէ, որ կարողանա նման հայտարարություններով հանդես գալ»: