Բաշար Ասադը Հոսեյն Առնուսին հանձնարարել է նոր կառավարություն ձևավորել
Սիրիայի նախագահ Բաշար Ասադը հրապարակել է հրամանագիր, համաձայն որի՝ նա Հուսեյն Առնուսին հանձնարարել է ձևավորել Սիրիայի Արաբական Հանրապետության նախարարների նոր կաբինետ:
ՍԱՆԱ լրատվական գործակալության հաղորդման համաձայն՝ Սիրիայի նախագահ Բաշար Ասադը 2021 թվականին ընդունած որոշման համաձայն՝ հրապարակել է թիվ 206 հրամանագիրը,որի համաձայն՝ նա Հոսեյն Առնուսին կարգադրել է ձևավորել այդ երկրի կաբինետը:
Առնուսը 2020 թվականին ևս հանձնարարություն էր ստացել ձևավորել Սիրիայի կաբինետը:
67-ամյա Առնուսը 1978 թվականին ավարտել է Հալեպի համալսարանի քաղաքաշինության ճարտարագիության ճյուղը: Նա Հաֆեզ Ասադի և նրա որդու Բաշար Ասադի օրոք զբաղեցրել է բազմաթիվ պաշտոններ: 1980-ականներից զբաղեցրել է բարձրագույն պետական պաշտոններ:
Հիշեցնենք, որ մայիսի 27-ին Սիրիայում տեղի ունեցած նախագահական ընտրություններում Բաշար Ասադը հաղթեց ստանալով ընտրողների ավելի քան 95 տոկոսի աջակցությունը։Նա ևս 7 տարի նախագահելու է այդ երկրում: