Չինաստանն ընդգծել է երկրի պատրաստվածության անհրաժեշտությունը ռազմական մարտահրավերներին դիմակայելու համար
Չինաստանի նախագահը հայտարարել է,որ այդ երկրի բանակը պետք է պատրաստ լինի դիմակայելու Աֆղանստանի սահմանին տիրող անվտանգության հետ կապված մտահոգություններին ու ռազմական մարտահրավերներին:
Չինաստանի նախագահ Սի Ծինփինին Newsweek-ին տված հարցազրույցում ասել է.«Այս երկիրը պետք է պատրաստ լինի մինչև 2021 թվականի սեպտեմբերի 11-ը, Աֆղանստանից ամերիկյան զորքերի դուրս գալուց հետո սպասվող պոտենցիալ ռազմական մարտահրավերներին դիմակայելու համար»:
Չինաստանի ժողովրդա-ազատագրական բանակի հիմնադրման 94 -րդ տարեդարձին ընդառաջ, Չինաստանի նախագահը խոսել է այդ երկրի ռազմական ուժերի ամրապնդման մասին:
Չինաստանի ԱԳ նախարար Վան Իին վերջերս ասել էր.«Աֆղանստանից ամերիկյան ուժերի դուրս գալը կարող է հիմք հանդիսանալ չինական Սինցզյանում ույղուր անջատականների դիվերսիոն գործողությունների համար»:
Չինաստանի նախագահը նաև ասել է, որ ժամանակակից սոցիալիստական երկիր ստեղծելու և երկրորդ հարյուրամյակի նպատակին հասնելու համար ազգային պաշտպանությունն ու բանակը պետք է ավելի կարևոր կարգավիճակում լինեն, ուստի պետք է արագացնել ազգային պաշտպանության և հզոր բանակի ամրապնդումը: