Բրիտանիայի ժամանակավոր հավատարմատարը կանչվել է Իրանի ԱԳՆ
Երկուշաբթի օրը Թեհրանում Բրիտանիայի ժամանակավոր հավատարմատարը, դեսպանի բացակայության ժամանակ, կանչվել է Իրանի ԱԳՆ Իրանի դեմ Բրիտնիայի արտգործնախարարի կողմից հնչեցրած մեղադրանքների դեմ բողոք ներկայացնելու համար:
Հանդիպման ընթացքում Իրանի ԱԳՆ Արևմտյան Եվրոպայի բաժնի ղեկավարը, ափսոսանք հայտնելով Բրիտանիայի արտգործնախարարի անհիմն մեղադրանքի համար, ընդգծեց, որ այս հապճեպ, հակասական և չհիմնավորված հայտարարությունները անընդունելի և խստորեն դատապարտելի են:
Իրանի ԱԳՆ Արևմտյան Եվրոպայի բաժնի ղեկավարը հավելել է ,որ Իրանը Պարսից ծոցը միշտ համարել է անվտանգ անցուղի նավերի համար և փորձել է ամրապնդել դրա անվտանգությունը: Պարսից ծոցում անկայունության աղբյուրը ոչ թե Իրանն է, այլ արտատարածաշրջանի երկրների նավերի և զորքերի առկայությունը:
Նա նախազգուշացնելով Սիոնիստական օկուպացիոն ռեժիմի կամ այլոց արկածախնդրության մասին, Իսլամական Հանրապետության հստակ քաղաքականությունը համարեց ինքնապաշտպանություն և վճռական պատասխան ժամանակին և տեղին ցանկացած արկածախնդրության:
Բրիտանիայի դեսպանության ժամանակավոր հավատարմատարը խոստացել է հնարավորինս շուտ այդ մասին զեկուցել Լոնդոնին:
Օմանի ջրերում իսրայելական նավի վրա հարձակումը դատապարտող հայտարարության մեջ Բրիտանիայի արտաքին գործերի նախարար Դոմինիկ Ռոբը նշել է, որ հավանական է, որ Իրանն է իրականացրել այդ հարձակումը: