Pars Today

Иран Ислам революциясының жетекшісі аятолла Хаменеи: «Арбағиннің маңыздылығы илаһи хикметтің арқасында бұл күні имам Хусейн (ғ.с.)-ның қозғалысын еске алуды мәңгілік етуіне байланысты. Егер шәһидтердің артында қалған жақындары әртүрлі, атап айтқанда имам Хусейн (ғ.с.)-ның «Ашура» күні шәһид болу сынды оқиғаларда шәһидтер мен олардың мұраларын қорғауға күш салмағанда келесі ұрпақ шаһадаттың жетістіктерін пайдалана алмаған болар еді".

Ислам дінінің ғұламаларының көбі имам Хусейн (ғ.с.)-ды мұсылмандардың бірлігінің факторы санайды. Имам Хусейн (ғ.с.)-ға деген махаббат тек шиіттерге ғана қатысты емес. Осы күні «Арбағин» жолында бірліктен жоғары көрініс байқалады. Сол жолдан мұсылмандар мен әлемнің азаттық талап етушілерінің тілеулестігін көруге болады.

Арбағин келген кезде имам Хусейн (ғ.с.)-ның ғашықтары мен достары сөзбен сипаттауға келмейтін ерекше көңіл-күйге бөленеді. Пәк имамдардың рауаяттарының бірінде мүміннің белгілерінің бірі ретінде «Зиярате Арбағин» зияратнамасын оқу аталған.

Хазірет Зейнаб – имам Әли (ғ.с.) мен хазірет Фатима (ғ.с.)-ның қызы. Ол Исламның ұлық пайғамбарының қадірлі немересі. Ол Ашура оқиғасынан кейін «Арбағин» күні өзінің шарықтау шегіне жеткен маңызды рөлін атқарып, имам Хусейн (ғ.с.)-ның қозғалысын ұмытылмайтындай қорғап, хазірет пен Исламның ұлық пайғамбары әулетінің велаятын жалғастыру жолында күшін аямады.

Имам Хасан Аскари (ғ.с.): «Мүміннің бес белгісі бар: 51 рәкәт намаз оқу (17 рәкәт уәжіп намаз және 34 рәкәт нәпіл намаз), «Зиярате арбағин» зияратнамасын оқу, оң қолының саусағына жүзік тағу, сәжде жасаған кезде маңдайын жерге тигізу және намаз оқыған кезде «Бисмилләхи әр-рахман әр-рахим» деген сөзді дауыстап айту»,- деген.

Бұл жерде кеңейіп, мейірімділікке толатын жүрек сынды ой-өрісің де кеңейеді. Бұл кезде сенің жүрегіңе имам Хусейн (ғ.с.)-ға ғашық барлық адамдар сыйып кететін сынды. Енді түсіңнің ақ немесе қара болуы, тілің мен ұлтыңның түрлілігі маңызды емес. Барлық зияратшыларды себепсіз жақсы көріп, оларға махаббатыңды білдіргің келеді. Қаншалықты нұрландың зияратшы, біртіндеп имам Хусейн (ғ.с.)-ға ұқсап келесің.

Ашура – шындық пен жалғандықтың, дін мен наным-сенім жолындағы жанкештіліктің шайқасы, руханият пен ахлақтың көрінісі.

Имам Хусейн (ғ.с.) мен серіктерінің өмірлерінің ең қиын сәттеріндегі табандылықтары мен бетпе-бет келген ауыртпалықтарға ризалық білдіріп, шындықты талап етуі өмір мен өлімді дұрыс түсіну талпыныстарының нәтижесі болды. Имам Хусейн (ғ.с.) – қиындықтарға қарсы табандылық пен қарсыласудың үлгісі.

Имам Хусейн (ғ.с.) мен оның серіктері Құран тағылымдарынан үлгі алып, сөздері мен ғамалдарында ешбір адамға балағат айтып, қорлық көрсетпеген. «Еш уақытта қорлыққа бағынбаймыз» деген ұран Ашура қозғалысының негізгі ұрандарының біріне айналды.

Алланың ризалығына ие болу – Аллаға иман келтіру мен оның рақымдылығы және дүние мен шындықты тану арқылы пайда болатын ең жоғары дәреже. Кербала адамның Алланың ризалығына ие болуының көрінісі болды. Бұл жерде адамдар Алладан басқа еш нәрсені көрмей, тек оның ризалығы туралы ойлады.