Pars Today

Lideri Suprem i Revolucionit Islamik, Ajetollah Khamenei, ka mbajtur një fjalim para kombit dy ditë para se të hapen votimet në zgjedhjet e 13-të presidenciale të Iranit, duke e quajtur votimin e ardhshëm vendimtar.

Ajetollah Khamenei filloi fjalimin e tij të Mërkurën (16 Qershor), transmetuar drejtpërdrejt në televizionin shtetëror dhe mediat sociale, duke theksuar rëndësinë e aspektit republikan dhe islamik të sistemit shtetëror të Iranit. Ai tha se mediat amerikane dhe angleze, së bashku me "mercenarët" e tyre, ishin përpjekur të krijojnë një hendek midis popullit iranian dhe sistemit shtetëror duke u përpjekur të dekurajojnë njerëzit nga pjesëmarrja në zgjedhjet presidenciale "sepse qëndrimi larg zgjedhjeve është qëndrimi larg sistemit shtetëror të Iranit". "Por pjesa më e madhe e njerëzve kanë treguar se çfarëdo që të thonë mediat e huaja, populli iranian do të bëjë të kundërtën," tha Ajetollah Khamenei. Lideri Suprem i Revolucionit Islamik tha se zgjedhjet duhet të shihen përtej politikës fraksionale dhe prirjeve politike, duke e quajtur pjesëmarrjen në zgjedhje "një akt të virtytit". Ajetollah Khamenei tha se një pjesëmarrje e lartë në zgjedhje do të thoshte që sistemi shtetëror i Iranit ka mbështetjen popullore, çka ai tha se do të kishte një "ndikim unik" në fuqinë e Iranit ndërkombëtarisht. Ai tha se armiqtë e Iranit u përpoqën të dekurajonin pjesëmarrjen në zgjedhje, sepse e dinë që nëse sistemi i Iranit nuk do të kishte mbështetjen e popullit, ata do të jenë në gjendje të destabilizojnë vendin. Lideri Suprem i Revolucionit Islamik tha se pjesëmarrja e ulët në zgjedhje do të sillte presion më të lartë mbi Iranin nga armiqtë e vendit dhe anasjelltas. Ajetollah Khamenei theksoi se zgjedhjet në Republikën Islamike kanë qenë gjithmonë të ndershme dhe shtoi se fakti që presidentët e pikëpamjeve politike ndonjëherë divergjente janë zgjedhur në të kaluarën, është provë për këtë. Lideri Suprem gjithashtu hodhi poshtë pretendimin se zgjedhjet e 18 qershorit nuk janë konkurruese dhe përmendi si provë përplasjet verbale dhe intelektuale që u shfaqën në tre debatet presidenciale. Ajetollah Khamenei ironizoi disa vende të caktuara "ku një fis drejton shtetin" dhe "njerëzit nuk mund të dallojnë një kuti votimi nga një kuti frutash", por që krijojnë rrjete televizive 24/7 dhe propagandojnë se zgjedhjet në Iran nuk janë "demokratike". Lideri Suprem i Revolucionit Islamik tha se disa iranianë të klasës së ulët hezitonin për pjesëmarrjen në zgjedhje sepse arsyetojnë se çështjet e tyre ekonomike nuk ishin zgjidhur nga administratat e kaluara. Ai pranoi se shqetësimet e tyre ishin të vërteta por tha se "vendimi i tyre për të mos votuar nuk është i drejtë." Ajetollah Khamenei u bëri thirrje të rinjve iranianë - "gjithmonë në ballë dhe gjithnjë duke inkurajuar të tjerët " - të promovojnë gjithashtu pjesëmarrjen në zgjedhjet e 18 qershorit. Lideri Suprem i Revolucionit Islamik gjithashtu kërkoi nga autoritetet që së pari të sigurojnë që shëndeti i votuesve nuk do të rrezikohej nga pandemia e COVID-19, që fletët e votimit të mbërrijnë me kohë dhe të mos ketë mungesa në asnjë vend votimi, që votimi të kryhet siç duhet në diasporën iraniane dhe se çdo shkelje do të dënohet.