Azərbaycanda əhalini təcrid rejimi uzadıldı
Koronavirus söhbətinin dünya səviyyəsində gündəmdən çoxdandır çıxarılmasına baxmayaraq Azərbaycanda yenə də “koronavirus infeksiyasının yayılması ilə əlaqədar” xüsusi karantin rejimi 2 yanvar 2024-cü il tarixinə qədər uzadılıb. Bu qərarı Nazirlər Kabineti qəbul edib.
Qeyd edək ki, Azərbaycanda xüsusi karantin rejimi dedikdə əslində bu ölkənin quru sərhədlərinin bağlı qalması anlamına gəlir. Sərhədlərin illərdir bağlı qalması isə Azərbacan xalqının xüsusiylə sərhəd sakinlərinin məişətinə, rifah səviyyəsinə və əhval-ruhiyyəsinə mənfi təsirlər buraxır.
Hal-hazırda Cənubi Koreya istisna olmaqla dünyada koronavirus ilə bağlı xüsusi karantin rejimi tətbiq edən və quru sərhədlərini bağlı saxlayan yeganə ölkə Azərbaycan Respublikasıdır.
Xatırladaq ki, koronavirusun insan həyatını təhdid etməsi barədə nə dünyada nə də Azərbaycan Respublikasında heç bir məlumat mövcud deyil.