Իրանի մշակութային ժառանգության, զբոսաշրջության և արհեստների նախարար. Թշնամու դեմ պայքարում իրանահայերն ու քրիստոնյաները կանգնած են իրանցիների կողքին
Իրանի մշակութային ժառանգության, զբոսաշրջության և արհեստների նախարարը, անդրադառնալով Իրանի կրոնական փոքրամասնությունների համերաշխությանը, ընդգծեց, որ թշնամու դեմ պայքարում հայ, քրիստոնյա, հրեա և զրադաշտական համայնքները կանգնած են իրանցիների կողքին։
Սպահան կատարած այցի ժամանակ, անդրադառնալով սիոնիստական ռեժիմի կողմից կրոնական կենտրոնների վրա հարձակմանը, Ռեզա Սալեհի Ամիրին ասել է, որ սիոնիստները թիրախավորել են նույնիսկ Թեհրանի սինագոգը, և որ այս գործողությունը ցույց է տալիս սիոնիստական ռեժիմի զայրույթը՝Իրանի կրոնական փոքրամասնությունների և մյուս իրանցիների համերաշխության նկատմամբ։ Նա հավելել է, որ Իրանի հրեական, քրիստոնեական և հայկական համայնքները, ինչպես նաև այլ խմբեր, միասնական դիրքորոշում ունեն թշնամու դեմ։
ILNA-ի փոխանցմամբ՝ Սալեհի Ամիրին ընդգծել է, որ Իրանն ունի ամուր ինքնություն, որը հենվում է քաղաքակրթության, մշակույթի և տարբեր էթնիկ խմբերի ու կրոնների պատմական համակեցության վրա, և որ թշնամիները թշնամաբար են տրամադրված Իրանի նկատմամբ այս քաղաքակրթական ծագման պատճառով։
Նա նշել է, որ Սպահանն իրանական քաղաքակրթության և մշակույթի խորհրդանիշն է և ընդգծել Իրանի պատմությունն ու մշակութային ինքնությունը երիտասարդ սերնդին փոխանցելու անհրաժեշտությունը։