Խաթամ ալ-Անբիա շտաբ. Իրանի բանակը և ԻՀՊԿ-ն հարձակում են իրականացրել ԱՄՆ բազաների վրա
ԻԻՀ Խաթամ ալ-Անբիա կենտրոնական շտաբը հայտարարել է բանակի և Իսլամական հեղափոխության պահապանների կորպուսի կողմից տարածաշրջանում ԱՄՆ բազաների վրա հարձակման մասին։
Հղում անելով IRNA-ին, Pars Today-ը հաղորդում է, որ համաձայն հայտարարության՝ ի պատասխան Իրանի հարավում գտնվող տարածքներում ամերիկյան ուղղաթիռի խոցման կեղծ պատրվակով ԱՄՆ ԶՈՒ կողմից իրականացված ագրեսիայի, տարածաշրջանում գտնվող որոշ ամերիկյան բազաներ հարձակման են ենթարկվել Իսլամական Հանրապետության հերոսական բանակի և Իսլամական հեղափոխության պահապանների կորպուսի կողմից։
Խաթամ ալ-Անբիա կենտրոնական շտաբը հայտարարել է․ «ԱՄՆ հանցագործ բանակը պետք է իմանա, որ եթե կրկնի Իրանի վրա հարձակումը, տարածաշրջանում ամերիկյան թիրախների վրա կիրականացվեն ավելի ծանր և լայնածավալ հարձակումներ։
ԻՀՊԿ-ն նույնպես հայտարարել է, որ ԱՄՆ պատերազմ հրահրող ռեժիմը չորեքշաբթի առավոտյան կեղծ պատրվակով հարձակվել է Իրանի հարավում գտնվող Ջասկ, Սիրիկ և Ղեշմ ղզիների վրա՝ վնասելով Սիրիկի հեռահաղորդակցության աշտարակը և ոչնչացնելով քաղաքի Բեմանի շրջանում գտնվող երկու ջրամբար: Ի պատասխան այս հարձակման՝ ԻՀՊԿ ռազմածովային ուժերը անօդաչու թռչող սարքերով հարձակում են սկսել Բահրեյնի հինգերորդ ռազմածովային նավատորմի վրա։
ԻՀՊԿ-ն մեկ այլ հայտարարության մեջ նշել է, որ Կորպուսի ավիատիեզերական ուժերի կործանիչները ոչնչացրել են չորս կարևոր թիրախ, այդ թվում՝ ավիաբազայում գտնվող F-35 կործանիչների պահեստները և Հորդանանի Ալ-Ազրակ քաղաքում գտնվող մանկասպան ամերիկյան ռեժիմի բանակի հրամանատարական և վերահսկողական կենտրոնը։
Ամերիկյան ահաբեկչական բանակի կողմից հարավային Իրանի բնակիչների դեմ ուղղված հարձակումներին ի պատասխան, չորեքշաբթի առավոտյան Իրանի Իսլամական Հանրապետության բանակը, որպես պատասխան գործողություն, անօդաչու թռչող սարքերով թիրախավորել է Բահրեյնում գտնվող ԱՄՆ Հինգերորդ նավատորմի ամերիկյան բազաները և ռադարային համակարգերը: