6 միլիոն օտարերկրյա զբոսաշրջիկների այցն Իրան, Իրանի և Հնդկաստանի համագործակցությունը և արտահանման ռեկորդային ցուցանիշները / Իրանի զարգացումների մասին լուրերի ընտրանին

Զբոսաշրջության համաշխարհային կազմակերպությունը հայտարարել է 2023 թվականին 6 միլիոն օտարերկրյա զբոսաշրջիկների Իրան ժամանման և զբոսաշրջության համաշխարհային վարկանիշում Իրանի 6 տեղով բարձրանալու մասին։

Parstoday-ի հայերեն բաժնի հաղորդման համաձայն՝ Թեհրանի կողմից Աֆղանստանի հարցով տարածաշրջանային շփման  խմբի նիստի անցկացումը, Իրանի գյուղմթերքի արտահանման մեկ միլիարդ դոլարի ավելացումը,ռեկորդային ծավալով իրանական նավթի  արտահանումը և 6 միլիոն օտարերկրյա զբոսաշրջիկների Իրան կատարած այցը, Իրանի քաղաքա-տնտեսական ոլորտի ամենակարևոր իրադարձություններից են։ 

Իրանի  գյուղմթերքի արտահանումը մեկ միլիարդ դոլարի աճ է արձանագրել

Իրանի գյուղատնտեսական ջիհադի նախարար Մոհամմադ Ալի Նիքբախտը նշելով, որ իրանական  1401(2022 թ․ ) թվականի համեմատ  1402(2023 թ․) թվականին Իրանի գյուղմթերքի արտահանման ծավալը աճել է մեկ միլիարդ դոլարով, ասել է,- «Իրանի գյուղատնտեսության ոլորտի առևտրային հաշվեկշիռը բարելավվել է  ավելի քան 2 միլիարդ դոլարով»։

6 միլիոն օտարերկրյա զբոսաշրջիկների այցը  Իրան 2023 թվականին

ՄԱԿ-ի  Զբոսաշրջության համաշխարհային կազմակերպությունն իր վերջին զեկույցում հայտարարել է , որ 2023 թվականին Իրան է այցելել  6 միլիոն օտարերկրյա զբոսաշրջիկ: Երկիր մուտք գործած  օտարերկրյա զբոսաշրջիկների թվաքանակի առումով, 2022 թվականին Իրանը աշխարհում զբաղեցրել է 40-րդ տեղը, սակայն 2023 թվականին 6 տեղով բարձրացել և զբաղեցրել է 34-րդ տեղը։ 

ՄԱԳԱՏԷ-ի  կառավարիչների խորհրդի՝ Իրանի դեմ ընդունած բանաձեւի դատապարտումը

Իրանի Իսլամական Հանրապետության արտաքին գործերի նախարարությունը հայտարարություն է տարածել, որում դատապարտելով Ատոմային էներգիայի միջազգային գործակալության կառավարիչների խորհրդի կողմից ընդունված բանաձևը հայտարարել է,- «Իրանը բանաձևի ներկայացումն ու ընդունումը համարում է քաղաքական և ոչ կառուցողական  քայլ և արևմտյան որոշ երկրների նախկին ձախողված քաղաքականության շարունակություն և անկախ երկրների դեմ միջազգային մեխանիզմները քաղաքականապես չարաշահելու փորձ»։ Ատոմային էներգիայի միջազգային գործակալության կառավարիչների խորհրդի կողմից  ընդունված  բանաձևում, առանց անդրադառնալու  գործակալության հետ Իրանի համագործակցությանը, Թեհրանից պահանջվոմ է անհրաժեշտ և հրատապ միջոցներ ձեռնարկել՝  անվտանգային խնդիրները լուծելու ուղղությամբ համար։ 

Իրանի տնտեսության միջին տարեկան աճը կազմել է 5 տոկոս

Իրանի ծրագրային և բյուջետային կազմակերպության ներկայացուցիչները Տնտեսական համագործակցության կազմակերպության(ECO) Տնտեսական հետազոտությունների ռազմավարական մշտական կոմիտեի յոթերորդ նստաշրջանում հայտարարեցին, որ Իրանի տարեկան տնտեսական աճը վերջին երեք տարում հասել է միջինը 5 տոկոսի, գործազրկության մակարդակը պարբերաբար նվազել է, իսկ միջինը  վերջին երեք տարիներին  հավասար էր 8,8%-ի։

Հնդկաստանը՝ Իրանի Իսլամական Հանրապետության գլխավոր գործընկերը

Իրանի նախագահի պաշտոնակատար Մոհամմադ Մոխբերն իր ուղերձում շնորհավորել է   խորհրդարանական ընտրություններում  Հնդկաստանի վարչապետ Նարենդրա Մոդիի գլխավորած  կուսակցության  հաղթանակի կապակցությամբ։«Ձեր առաջնորդությամբ և ղեկավարությամբ Հնդկաստանը դարձել է Իրանի Իսլամական Հանրապետության գլխավոր գործընկերը»․ասված է ուղերձում:

Իրանն անցյալ տարի մեկ միլիարդ դոլարի պիստակ է արտահանել

Իրանի Պիստակի ազգային ասոցիացիայի հոգաբարձուների խորհրդի փոխնախագահ Ջալիլ Քարբախշ Ռավարին հայտնելով անցյալ տարի (1402) մեկ միլիարդ դոլարի պիստակ արտահանելու մասին,  ասել է, որ անցյալ տարի Իրանում արտադրվել է 200 հազար տոննա պիստակ, որից 120 հազար տոննա՝ 900 միլիոնից մինչև մեկ միլիարդ դոլար արժողությամբ արտահանվել է թիրախային երկրներ։ Այժմ պիստակ է արտադրվում Իրանի 27 նահանգներում։

Թեհրանում ընթանում է Աֆղանստանի տարածաշրջանային շփման խմբի հանդիպումը

Իրանի Իսլամական Հանրապետության արտաքին գործերի նախարարի օգնական և  նախարարության Հարավային Ասիայի հարցերով գլխավոր տնօրեն Սեյեդ Ռասուլ Մուսավին ասել է. -«Իրանի, Չինաստանի, Ռուսաստանի և Պակիստանի հատուկ ներկայացուցիչների ներկայությամբ Աֆղանստանի տարածաշրջանային շփման խմբի նիստն ընթանում է  Թեհրանում»։

Իրանի հարավ-արևելքում  ծովային ջրի  աղազրկման ամենամեծ կայանի բացումը

Իրանի ջրի և կեղտաջրերի ինժեներական ընկերության գործադիր տնօրեն  Հաշեմ Ամինին  ասել է. «Սեյեդ Էբրահիմ Ռայիսիի հատուկ  մոտեցումը Իրանի հարավ-արևելյան Սիստան և Բելուչեստան նահանգի նկատմամբ և հատուկ միջոցների հատկացումն այս նահանգի բոլոր ջրային նախագծերին  պատճառ է դարձել, որ ութ ամսվա ընթացքում շահագործման կհանձնվի այս տարածաշրջանի ծովային ջրի աղազերծման ամենամեծ կայանը»։

Անցնող 12 ամիսներին, Իրանի տարանցման ավելի քան 60 տոկոսանոց աճը

Իրանի ճանապարհների և քաղաքաշինության նախարար՝ Մեհրդադ Բազրփաշը BRICS-ի երկրների տրանսպորտի նախարարների նիստում ասել է.- «Իրանի տարածքով  տարանցումը վերջին 12 ամիսներին  աճել է 60%-ով՝ հասնելով ավելի քան 17,6 մլն տոննայի, ինչը ցույց է տալիս տարածաշրջանի երկրների համար Իրանի տարանցիկ երթուղու հուսալիությունը, անվտանգությունը և ծախսարդյունավետությունը»։

Իրանի նավթի արտահանումը Չինաստան ռեկորդ է սահմանել

Bloomberg-ը գրել է, որ Չինաստանն անցյալ ամիս (մայիս) Իրանից ներկրել է 1,54 մլն բարել նավթ, ինչը հոկտեմբերից ի վեր ամենաբարձր ցուցանիշն է։