Pars Today

TV BRICS հեռուստաընկերությունը 5 լեզուներով կցուցադրի «Կետ» վավերագրական ֆիլմը, որը պատմում է պարսկական գեղագրության մասին։ Ֆիլմը նկարահանվել է Իրանում և Ռուսաստանում։

Pars Today-ի փոխանցմամբ՝ ըստ  ռեժիսոր  Ամիր Վալինեժադի՝ ֆիլմը պատմում է իրանական գեղագրության պատմության մասին։ Այն TV BRICS-ի կայքում հասանելի կլինի ռուսերեն, անգլերեն, չինարեն, իսպաներեն և պորտուգալերեն լեզուներով։

Ռեժիսոր Ամիր Վալինեժադի խոսքով՝ «Կետ» ֆիլմը հեռուստադիտողին ծանոթացնում է պարսկական գեղեցիկ  արվեստի հետ, ինչպիսին է գեղագրությունը։

Նա նշում է․ «Իրանական գեղագրությունը հատուկ աշխարհ է և սրբազան լեզու։ Այն ծագել է է սուրբ Ղուրանի տեքստերի արտագրման ավանդույթից և կիրառվում է տարբեր ոլորտներում»:

TV BRICS-ի խմբագիր Քսենիա Կոմիսարովան նշել է, որ հեռուստաընկերությունը համագործակցում է աշխարհի ավելի քան 70 լրատվամիջոցների հետ։ Նրա խոսքով․ «Դա մեզ հնարավորություն է տալիս շարունակաբար փոխանակել հետաքրքիր բովանդակություն, որը ոչ միայն հարստացնում է ազգային տեղեկատվական օրակարգը, այլև ստեղծում ԲՐԻԿՍ անդամ  երկրների մասին տեսաբովանդակության եզակի թվային գրադարան»:

TV BRICS հեռուստաընկերությունը գործում է շուրջօրյա ռեժիմով՝ անդամ և գործընկերներ երկրների լսարանների համար։

Հեռուստատեսային ծրագրերը հեռարձակվում են ռուսերենով՝ թվային հեռուստատեսային օպերատորների կողմից, ինչպես նաև տարբեր կայքերի և սոցիալական ցանցերի միջոցով,  Ռուսաստանի ողջ տարածքում: Այլ լեզուներով ծրագրերը հասանելի են հեռուստաընկերության կայքում: