Իրանի ԱԳՆ խոսնակ. Իրանը հաստատակամ և վճռականան է պաշտպանելու իր ինքնիշխանությունն ու ազգային անվտանգությունը
Իրանի արտաքին գործերի նախարարության խոսնակն ընդգծել է, որ Իրանի Իսլամական Հանրապետությունը վճռական և հաստատակամ է պաշտպանելու իր ինքնիշխանությունն ու ազգային անվտանգությունը, և օգնելու տարածաշրջանում մնայուն կայունության հաստատմանը և տարածաշրջանում անապահովության ու ահաբեկչության իրական սկզբնաղբյուրի դեմ զսպող միջոցների ստեղծմանը, և նա ոչ մեկից թույլտվություն չի խնդրի իր ճանաչված իրավունքները իրացնելու համար:
Նասեր Քանանի Չաֆին, ի պատասխան երեք եվրոպական երկրների՝ Ֆրանսիայի, Գերմանիայի և Բրիտանիայի հրապարակած հայտարարությանը տարածաշրջանում զարգացումների վերաբերյալ, հավելել է, որ երեք եվրոպական երկրների ղեկավարների հայտարարությունը հրապարակվել է այն դեպքում, երբ Արևմտյան և Իսրայելի ռեժիմին աջակցող երկրների անտարբերության պատճառով, իրականացվել են ամենատարբեր տեսակի միջազգային հանցագործություններ, այդ թվում՝ ցեղասպանություն, շարունակվում է այս ռեժիմի պատերազմական հանցագործությունները անպաշտպան պաղեստինյան ժողովրդի դեմ, և սիոնիստական իշխանությունների անպատժելիությունը մեծացրել է նրանց լկտիությունը՝ ամենասարսափելի ոճրագործություններ ու միջազգային հանցագործություններ կատարելու հարցում։
Անդրադառնալով Գազայի հատվածում հումանիտար իրավիճակի վատթարացմանը՝ Քանանի Չաֆին ասել է, որ մի իրավիճակում, երբ ՄԱԿ-ը և այս միջազգային կառույցի Անվտանգության խորհուրդը ավելի քան տասը ամիս անց չեն կարողանում զսպող ուժ ստեղծել հանցավոր Սիոնիստական ռեժիմի դեմ, Պաղեստինի ժողովրդի դեմ Սիոնիստական ռեժիմի հակամարդկային հանցագործություններն ու տարածաշրջանի այլ երկրներում նրա արտատարածքային ահաբեկչությունները օրեցօր նոր ասպեկտներ են ստանում, և զարմանալիորեն արևմտյան երկրների, այդ թվում՝ Գերմանիայի, Ֆրանսիայի և Բրիտանիայի կողմից գործնական և արդյունավետ միջոցներ չեն նկատվում այս հանցագործությունները դադարեցնելու կամ դրանց դիմակայելու համար։
Իրանցի դիվանագետը հավելել է, որ արևմտյան երկրների հայտարարությունը, առանց Սիոնիստական ռեժիմի միջազգային հանցագործությունների նկատմամբ որևէ առարկության, Իրանի Իսլամական Հանրապետությունից լկտիաբար պահանջում է պատժիչ և զսպող գործողություն չձեռնարկել այդ ռեժիմի դեմ, որը ոտնձգություն է գործել Իրանի ինքնիշխանության և տարածքային ամբողջականության դեմ։
Իրանի արտաքին գործերի նախարարության խոսնակն ընդգծել է, որ Իրանից նման պահանջները զուրկ են քաղաքական տրամաբանությունից, լիովին հակասում են միջազգային իրավունքի սկզբունքներին ու կանոններին և առավելապաշտական պահանջ են։
ՀԱՄԱՍ-ի քաղբյուրոյի ղեկավար Իսմայիլ Հանիեի և Լիբանանում Հեզբոլլահի բարձրաստիճան հրամանատարներից Ֆուադ Շոքրի սպանությունից հետո դիմադրության առանցքի բարձրաստիճան պաշտոնյաները հայտարարեցին, որ վրեժ են լուծելու այս նահատակների արյան համար սիոնիստական ռեժիմից։
