Հեզբոլլահը հյուսիսում կայունությունից զրկեց Իսրայելի ռեժիմին. Սիոնիզմի գաղութային նախագիծը ավարտվելու փուլում է
Pars Today- Լիբանանի «Հեզբոլլահի» գործադիր խորհրդի ղեկավարը հայտարարել է, որ Գազայում, Լիբանանում ևտարածաշրջանում Իսրայելի նպատակներն իրականություն չեն դառնալու։
Խմբավորման ավագ հրամանատար Ֆուադ Շուքրի նահատակության 40-րդ օրվա արարողության ժամանակ, նշելով, որ Դիմադրության մարտիկներն այսօպր խիզախորեն կռվում են Գազայում և Լիբանանի հարավում, Հեզբոլլահի գործադիր խորհրդի ղեկավար սեյեդ Հաշեմ Սաֆիուդդինը հավելել է․ «Սիոնիստ թշնամին այսօր հիասթափված և զարմացած է, քանի որ շուրջ մեկ տարվա պատերազմից հետո չի հասել իր առջև դրված նպատակներից ոչ մեկին»։
Նա նշել է, որ Գազայի և Լիբանանի խաղաղ բնակիչների վրա իսրայելցի զինվորների հարձակումների պատճառը բազմաթիվ ճգնաժամերն են, որոնց մեջ հայտնվել է ռեժիմը։
Հայտարարելով, որ «Ալ-Աղսայի փոթորիկ» գործողությունը ցնցել է սիոնիստական նախագծի հիմքերը, Հաշեմ Սաֆիուդդինը հավելել է. «Լիբանանի իսլամական Դիմադրությունն ապակայունացրել է օկուպացված տարածքների հյուսիսը և մեծացրել ապագայի վերաբերյալ օկուպանտների մտահոգությունները»։
«Ալ-Աղսայի փոթորիկ» գործողությունից 11 ամիս անց, Սիոնիստական ռեժիմը բացի հանցագործություններից, ջարդերից, ավերածություններից, միջազգային օրենքների խախտումներից և Գազայում օգնության կազմակերպությունների ռմբակոծումից այլ ձեռքբերում չի ունեցել։
Վերջին տվյալներով՝ Գազայի վրա ռեժիմի հարձակումների հետևանքով զոհվել է ավելի քան 41 հազար պաղեստինցի, վիրավորվել՝ ավելի քան 94 հազարը:
Իսրայելի ռեժիմը ստեղծվել է 1917 թվականին՝ Բրիտանիայի գաղութատիրության նախագծով և տարբեր երկրներից հրեաների պաղեստինյան երկիր ներգաղթի միջոցով , և դրա գոյության մասին հայտարարվել է 1948 թվականին։ Այդ ժամանակից ի վեր տարբեր զանգվածային սպանությունների ծրագրեր են իրականացվել Պաղեստինի ժողովրդին բնաջնջնելու և նրա երկրին տիրանալու համար։Մի շարք երկրներ՝ Իրանի Իսլամական Հանրապետության գլխավորությամբ համարվում են Իսրայելի գաղութային ռեժիմի լուծարման և հրեաների՝ իրենց իսկական երկրներ վերադարձի լուրջ կողմնակիցներ։