Ադրբեջանի և Հայաստանի միջև սահմանի սահմանազատումը կարևոր է տարածաշրջանային կայունության համար. Զախարովա
Ադրբեջանի և Հայաստանի միջև պետական սահմանի սահմանազատումը կարևոր է տարածաշրջանային կայունության համար, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք հետևում ենք Ադրբեջանի և Հայաստանի միջև պետական սահմանի սահմանազատման գործնական փուլի սկիզբին. դա կարևոր է տարածաշրջանային կայունության համար։ Մենք աջակցում ենք սահմանազատման բոլոր հարցերի կարգավորմանը՝ բացառապես քաղաքական և դիվանագիտական մեթոդներով, ելնում ենք նրանից, որ համաձայնագրերը պետք է լինեն կայուն, հավասարակշռված, փոխընդունելի և հիմք հանդիսանան տարածաշրջանում կայուն խաղաղության հասնելու համար»,- ասել է նա հինգշաբթի ճեպազրույցում:
Զախարովան հաստատել է Ռուսաստանի պատրաստակամությունը՝ եռակողմ համաձայնագրերի հիման վրա սահմանազատման հարցում կողմերին խորհրդատվական օգնություն տրամադրելու հարցում։
