ԱՄՆ-ը հայտարարում է Իրանի հետ կապված պատժամիջոցների մի մասի չեղարկման մասին

ԱՄՆ ֆինանսների նախարարությունը հայտարարել է, որ չեղարկել է Իրանի հետ կապված պատժամիջոցների մի մասը։

Ինչպես հաղորդում է IRNA-ն, ԱՄՆ ֆինանսների նախարարության Օտարերկրյա ակտիվների վերահսկողության գրասենյակը (OFAC)  չորեքշաբթի օրը տարածած հայտարարության մեջ պնդել է, որ չեղարկել է պատժամիջոցները երեք կազմակերպությունների նկատմամբ, որոնք նախկինում ներկայացվել էին որպես Իրանի հետ առնչություն ունեցող։

Նախարարությունը հայտարարել է, որ չեղարկվել են նաև երկու ինքնաթիռի և երեք ավիաընկերության նկատմամբ կիրառված պատժամիջոցները։

Հայտարարության համաձայն՝ պատժամիջոցների ցանկից դուրս են բերվել Fly Baghdad, Iraq Express ավիաընկերությունները, Fly Baghdad ընկերությունը, ինչպես նաև Fly Baghdad-ին պատկանող երկու Boeing B-737 ինքնաթիռները։

Fly Baghdad ընկերությունը և նրան պատկանող երկու Boeing B-737 ինքնաթիռները 2024 թվականի հունվարին ընդգրկվել էին ԱՄՆ պատժամիջոցների ցանկում՝ Իրանի հետ կապ ունենալու մեղադրանքով։