د هیوادونو د مځکنۍ بشپړتیا مسئله پخپل مینځیو خبروسره حل کیږي
په وروستیو اونیو کې یوځل بیا د ایران او اذربایجان جمهوریت اړیکې تریوه حده تاؤتریخجنې شوې وې، دایران اسلامی جمهوریت په ضد دآذربایجان جمهوریت د رسمي چارواکو او رسندویو دایران اوسپاه پاسدارانو په ضد د پروپيګنډو په دوام پسې د تیرې پنجشنبې په ورځې په تهران کې ددغه هیواد سفیر هم خارجه وزارت ته احضا
د ایران خارجه وزیر دآذربایجان جمهوریت له خارجه وزیر سره په ټيلیفوني خبرو کې په وروستیو شپو ورځو کې پر ځینو مطرح شوو غیر واقعي څرګندونو باندې په خپګان ښودلو سره ، د هیوادونو د مځکنۍ بشپړتیا او حاکمیّت ته داحترام او د دوي په کورنیو چارو کې نه لاسوهنې ، یو مهم او اساسی اصل وبالۀ.
په وروستیو اونیو کې یوځل بیا د ایران او اذربایجان جمهوریت اړیکې تریوه حده تاؤتریخجنې شوې وې، دایران اسلامی جمهوریت په ضد دآذربایجان جمهوریت د رسمي چارواکو او رسندویو دایران اوسپاه پاسدارانو په ضد د پروپيګنډو په دوام پسې د تیرې پنجشنبې په ورځې په تهران کې ددغه هیواد سفیر هم خارجه وزارت ته احضار شو.
ایرنا خبری آژانس راپور ورکړ، د ایران خارجه وزیر حسین امیر عبداللهیان په دغو ټیلیفوني خبرو کې ډيپلوماټيک او رسمي خبرې د ناسمو تفاهماتو او دنظرونو داختلافاتو د ختمولو لپاره ترټولو ښه لاره وبلله او ټينګار ئې وکړ،په رسندویو کې ددغه ډول موضوعګانو مطرح کول نه یوازې د موضوع له حل سره کومه مرسته نه کوي، بلکې د دښمنانو دناوړې استفادې لپاره زمینه هم هواروي.امیر عبداللهیان د آذربایجان جمهوریت پشمول له ګاونډیانو سره د اړیکو پراختیا د اسلامی ایران دبهرنی سیاست یو لومړیتوب وباله او ددواړو هیوادونو ترمینځ ئې د هراړخیزو اړیکو د پیاوړتیا په ضرورت ټينګار وکړ. هغه همداراز د ډيپلوماسۍ د لارو چارو په وسیله د سیمې د مسئلو دحل لپاره دیوه چوکاټ په عنوان سره په تهران کط د ۳+۳ په نامې سره د اسلامي ایران په نوښتي غونډې کې دکډون لپاره خپل آذري همڅنګ ته بلنه هم ورکړه.
د آذربایجان جمهوریت خارجه وزیر جیحون بایراموف هم په دغو ټیلیفوني خبرو کې په آستانې کې د دواړو هیوادونو د ولسمشرانو وروستیو لیدوکاتو ته په اشارې سره د تهران او باکود چارواکو ترمینځ تماسونه اوخبرې اترې مثبتې وارزولې او د ناسمو تفاهمونو د ختمولو او داړیکو د پیاوړتیا لپاره د آذربایجان جمهوریت پر چمتووالی ټينګار وکړ.
