د مرکزي اسیا د ښځو د والیبال سیالۍ- نپال؛ ایران نیمه پایلوبې ته لاره ومونده
-
د ایران د والیبالو ملي ټیم
پارس تودی- د ایران د والیبال ښځینه ملي ټیم د مرکزي اسیا د اتلولی د سیالو په لومړی پړاو کې په خپله دریمه لوبه کې د قزاقستان تکړه ټیم ته ماته ورکړه او په ځواک سره نیمه پایلوبې ته لاره ومونده.
د پارس تودی له راپور سره سم، د مرکزي اسیا د ښځو د والیبال د اتلولیو د سیالۍ د مقدماتي پړاو وروستي لوبي تېره ورځ د نیپال په کټماندو ښار کې تر سره شوه. په دې پړاو کې د ایران په شمول دریو ټیمونو نیمه پایلوبې ته لاره ومونده. د ایران ملي ټیم په خپله لومړۍ لوبه کې بنګلدېش او په دوهمه لوبه کې سریلانکا او په دریمه لوبه کې قزاقستان ته سخته ماته ورکړه.
د ایران د ملي ټیم لوبغاړو د ۲۲ په وړاندې د ۲۵ او د ۲۰ په وړاندې د ۲۵ او د ۲۲ په وړاندې په ۲۵ امتیازاتو په تر لاسه کولو سره، بریا ته ورسېده او د خپلې ډلې د لومړی ټیم په توګه نیمه پایلوبو ته لاره ومونده او د سیالیو د څلورو غورو ټیمونو په ډله کې شامل شو. د ایران د ښځو د والیبال ملي ټیم، په نیمه پایلوبه کې به د پنجشني په ورځ په دوو بجو او پنځه څلوېښتو دقیقو کې، د خپل سیال ټیم سره، لوبه وکړي.
