د ایران او امریکا تفاهم ته د بیرته ستنیدا پر اړتیا د اردن د څلوراړخیزه غونډې ټینګار
ایرنا خبري اژانس راپور راکړی د سعودي عربستان، د مصر، د ترکیې او د پاکستان د بهرنیو چارو وزیرانو د اردن په څلور اړخیزه غونډه کښې د ایران او د امریکا ترمینځ د تفاهم یادښت ته د ستنیدا او د سیمې د تاوتریخوالو د زیاتیدا د مخنیوي لپاره د ډيپلوماسۍ د لارې د دوام غوښتنه وکړه.
د عربستان، د مصر، د ترکیې او د پاکستان خارجه وزیرانو په خپلې پینځمې څلور اړخیزه غونډې کښې چې له قدس څخه د ملاتړ د وزارتي غونډې په څنګ کښې د اردن په پلازمینې امان کښې وشوه د سیمې په وروستیو بدلونونو باندې غور وکړ او د خبرو او د ډيپلوماسۍ له لارې د تاوتریخوالو د کمولو پرضرورت یې ټینګار وکړ.
په دغه غونډه کښې ګډون کونکو بهرنیو چارو وزیرانو په تیرې جون میاشتې کښې د ایران د اسلامي جمهوریت او د امریکا ترمینځ لاسلیک شوي تفاهم یادښت ته بیرته ستنیدل د سیمې د امنیت او د ثبات د پیاوړتیا لپاره مهم ګام وباله او پایدارې موافقې ته د رسیدا لپاره د هڅو په ملاتړ یې ټینګار وکړ.
