امریکا اروپایی هیوادونو ته خبرداری ورکړ

واشنګټن فری بیکن (The Washington Free Beacon)اینټرنیټ پاڼې نن سهار راپور ورکړ دامریکا حکومت او ولسی جرګې کانګرس (United States Congress)اروپایی هیوادونو ته له ایران سره د تجارتی تعاملاتو د دوام په اړه خبرداری ورکړی دی .

دامریکا ولسمشر ټرمپ او کانګرس اروپایی هیوادونو ته ټینګار کړی دی امریکا به دهغو هیوادونو پرضد  چې دایران پرضد  دنویو بندیزونو خلاف ورزۍ وکړی د بایکاټ په لګولو کښې هیڅ شک ونکړی .

دامریکا حکومت دغه راز د سویفټ غړیو هیوادونو ته هم له ایران سره د بانکی تعاملاتو او دارتباط په اړه خبرداری ورکړی دی .

له دې مخکې هم دامریکا د ریپبلیکن ګوند لسو(۱۰) سناتورانو  په واشنګټن کښې دجرمنی ، انګلستان او د فرانسې سفیرانو ته په لیک کښې دایران پرضد د واشنګټن د بایکاټونو د کمزوری کولو یا ختمولو په اړه اروپایی هیوادونو ته خبرداری ورکړی وو.