Prodhimi bujqësor i Iranit është pesëfishuar që nga fillimi i Revolucionit Islamik

ParsToday - Organizata Iraniane e Kërkimit, Edukimit dhe Zhvillimit Bujqësor (TAT) njoftoi se prodhimi bujqësor i Iranit është pesëfishuar që nga fillimi i Revolucionit Islamik.

Sipas ParsToday, Gholamreza Golmohammadi, kreu i Organizatës së Kërkimit, Edukimit dhe Zhvillimit Bujqësor të Iranit, në një takim në provincën Mazandaran në Iranin verior, ndërsa shpjegonte arritjet e kësaj organizate, tha: "Rritja pesëfish e prodhimit në të gjitha fushat e bujqësisë që nga fillimi i Revolucionit Islamik ka qenë rezultat i hulumtimit të orientuar drejt problemeve, trajnimit efektiv dhe përpjekjeve të vazhdueshme të kolegëve në organizatën TAT. Kjo organizatë, duke zotëruar një pjesë të madhe të burimeve gjenetike dhe farërave bujqësore të vendit, luan një rol kyç në garantimin e sigurisë ushqimore dhe zhvillimin e njohurive me bazë shkencore në këtë sektor”.

Duke iu referuar infrastrukturës së organizatës TAT, Gholamreza Golmohammadi shtoi: "Tani, 85 përqind e burimeve gjenetike të Iranit dhe më shumë se 98 përqind e farave fillestare janë në zotërim dhe menaxhim të kësaj organizate”. Ai theksoi se pavarësisht sfidave të ndryshimeve klimatike, Irani nuk përballet me mungesë në prodhimin bujqësor.

Kërkoni video, na ndiqni: https://t.me/ParsTodayshqip