Baghaei: Plani 14-pikësh nuk ka të bëjë fare me çështjet bërthamore/Nuk do të negociojmë nën ultimatume

ParsToday - Duke iu referuar planit të fundit të Iranit, zëdhënësi i Ministrisë së Jashtme të Iranit tha: "Plani ynë me 14 pika është i përqendruar ekskluzivisht në përfundimin e luftës dhe nuk përmban asnjë çështje që lidhet me fushën bërthamore."

Sipas ParsToday, Esmail Baghaei, zëdhënës i Ministrisë së Punëve të Jashtme të Iranit, në një intervistë televizive të drejtpërdrejtë në lidhje me planin e Iranit për t'i dhënë fund luftës, i cili iu transmetua Shteteve të Bashkuara të Amerikës përmes Pakistanit, deklaroi: "Plani ynë është përqendruar ekskluzivisht në përfundimin e luftës. Detajet e negociatave bërthamore që janë ngritur në media, absolutisht nuk ekzistojnë në këtë plan."

Zëdhënësi i Ministrisë së Jashtme iraniane tha: "Çfarë do të ndodhë në të ardhmen do të vendoset në kohën e duhur, por në këtë fazë nuk po zhvillojmë negociata bërthamore."

Në përgjigje të një pyetjeje në lidhje me publikimin e lajmeve rreth heqjes së minave të forcave iraniane nga Shtetet e Bashkuara të Amerikës në Ngushticën e Hormuzit, ai theksoi: "Kjo është gjithashtu një nga ato gjëra që është pjellë e imagjinatës së disa mediave, dhe nuk ka asgjë të tillë në këtë plan."

Në përgjigje të një pyetjeje në lidhje me garantimin e SHBA-së për përmbushjen e detyrimeve të saj, Baghaei tha: "Nuk pajtohem fare me fjalën garanci. Garancia jonë është fuqia dhe leva jonë, dhe ne duhet ta përdorim atë në mënyrën më të mirë."

Në fund të fjalës së tij, ai njoftoi: "Pala amerikane i është përgjigjur planit të propozuar të Iranit dhe ia ka përcjellë pikëpamjet e saj palës pakistaneze, të cilat ne do t'i shqyrtojmë dhe do të marrim vendimin e nevojshëm".

Kërkoni video, na ndiqni: https://t.me/ParsTodayshqip