Ambasadori iranian: Veprimet e Iranit janë mbrojtëse, të nevojshme dhe në përputhje me ligjin ndërkombëtar

ParsToday - Ambasadori i Iranit në Kombet e Bashkuara i konsideroi veprimet e SHBA-së një kërcënim serioz për stabilitetin rajonal, lirinë e lundrimit dhe sigurinë e Gjirit Persik dhe Ngushticës së Hormuzit, dhe tha: "Republika Islamike e Iranit, në përputhje me Kartën e Kombeve të Bashkuara, ka ushtruar dhe do të vazhdojë të ushtrojë të drejtën e saj të lindur për të mbrojtur popullin dhe sovranitetin e saj".

Sipas ParsToday, duke cituar IRNA-n, ambasadori dhe zv/përfaqësuesi i Përhershëm i Republikës Islamike të Iranit në Kombet e Bashkuara, Gholamhossein Darzi, tha në takimin e Këshillit të Sigurimit mbi situatën në Azinë Perëndimore: "Shtetet e Bashkuara të Amerikës kanë kryer shkelje të rënda të së drejtës ndërkombëtare humanitare, duke përfshirë krime lufte, duke synuar qëllimisht civilët dhe infrastrukturën civile, duke përfshirë shkollat, spitalet, qendrat mjekësore, urat, mjediset sportive dhe infrastrukturën tjetër thelbësore në Iran. Sulmi ndaj Shkollës Minab është një shembull i trishtueshëm dhe i pamohueshëm i këtyre krimeve".

Drazi theksoi: "Presidenti i Shteteve të Bashkuara të Amerikës dhe zyrtarë të tjerë të lartë e kanë pranuar hapur dhe madje janë mburrur për kryerjen e këtyre krimeve të tmerrshme. Deklarata të tilla janë dëshmi të mëtejshme të përgjegjësisë së tyre. Shtetet e Bashkuara të Amerikës mbajnë përgjegjësi të plotë ndërkombëtar për veprimet e tyre të paligjshme ndërkombëtarisht. Ata që janë përgjegjës për këto krime të tmerrshme, herët a vonë, do të mbahen përgjegjës para institucioneve kompetente ndërkombëtare gjyqësore".

Ai theksoi: "Askush nuk është mbi ligjin ndërkombëtar dhe nuk do të ketë imunitet. Komuniteti ndërkombëtar dhe Këshilli i Sigurimit nuk duhet të lejojnë që këto krime të normalizohen. Heshtja dhe pandëshkueshmëria vetëm sa do të inkurajojnë përsëritjen e këtyre veprimeve".

Ambasadori iranian në OKB vazhdoi: "Të gjitha veprimet e Iranit janë të natyrës mbrojtëse, të nevojshme dhe në përputhje me të drejtën ndërkombëtare. Rrënjët e situatës aktuale janë të qarta: veprimet e vazhdueshme të paligjshme të Shteteve të Bashkuara të Amerikës përbëjnë një kërcënim serioz për stabilitetin rajonal, lirinë e lundrimit dhe sigurinë e Gjirit Persik dhe Ngushticës së Hormuzit".

Ai shtoi: "Republika Islamike e Iranit, brenda kuadrit të Nenit 51 të Kartës së Kombeve të Bashkuara, ka ushtruar të drejtën e saj të lindur për vetëmbrojtje dhe do të vazhdojë ta ushtrojë atë për të mbrojtur popullin e saj dhe për të mbrojtur sovranitetin, integritetin territorial dhe interesat e saj jetësore kombëtare kundër veprimeve agresive të Shteteve të Bashkuara".

Kërkoni video, na ndiqni: https://t.me/ParsTodayshqip