Gjeneral Shekarchi: Më shumë se 1,000 ushtarë izraelitë u vranë në luftën me Iranin

ParsToday - Zëdhënësi i lartë i Forcave të Armatosura Iraniane tha: “Më shumë se një mijë ushtarë sionistë u vranë në luftën me Iranin dhe mijëra u plagosën”.

Sipas ParsToday, Gjeneral-Brigade Abolfazl Shekarchi, zëdhënësi i lartë i forcave të armatosura të Republikës Islamike të Iranit, deklaroi: "Ushtria amerikane është një ushtri hollivudiane dhe propagande që u krijua për të plaçkitur dhe përvetësuar burimet e vendeve myslimane; nderi ynë më i madh është se kemi ekspozuar imazhin hollivudian të ushtrisë amerikane dhe regjimit sionist, dhe e gjithë bota e ka kuptuar se sa të dobëta dhe të demoralizuara janë këto dy ushtri".

Ai shtoi: “Sot, vendet anembanë botës, madje edhe disa vende ku ushtria amerikane ka baza ushtarake, nuk u besojnë më amerikanëve dhe kanë arritur në përfundimin se një ushtri amerikane që nuk mund të mbrojë veten, si mund t’i mbrojë aleatët e vet?”

Lidhur me humbjet e ushtrisë amerikane në luftë, gjenerali Shekarchi deklaroi: "Sipas dëshmive dhe provave rrethanore, SHBA-të kanë humbur qindra ushtarë të tyre në luftën e tretë të imponuar përball forcave të armatosura të Republikës Islamike të Iranit, dhe mijëra ushtarë amerikanë janë plagosur në luftën me Iranin; gjithashtu, gjatë agresionit ushtarak izraelit kundër Iranit, me bashkëpunimin e ushtrisë amerikane, më shumë se një mijë ushtarë sionistë u vranë dhe mijëra ushtarë sionistë u plagosën; amerikanët dhe regjimi sionist gënjejnë dhe censurojnë të vërtetën duke njoftuar numrin e tyre të të vrarëve. Për shembull, ata paraqesin statistikat e ushtarëve të vrarë në luftërat e Afganistanit dhe Irakut shumë vite pasi një ushtar amerikan është vrarë, dhe më pas ia dorëzojnë trupin e tij familjes së tij".

Kërkoni video, na ndiqni: https://t.me/ParsTodayshqip