Mbajtja e konferencës së Forumit Botëror për Përafrimin mes Denominacioneve (Medh'hebeve) Islame në Malajzi; një udhërrëfyes i ri për harmoninë në Botën Islame

Pars Today - Takimi i përgjithshëm i Forumit Botëror për Përafrimin mes Denominacioneve (Medh'hebeve) Islame u mbajt në Kuala Lumpur, Malajzi, me pjesëmarrjen e studiuesve, intelektualëve dhe mendimtarëve nga vendet e rajonit të Azisë Juglindore.

Në takimin e përgjithshëm të Forumit Botëror për Përafrimin mes Denominacioneve (Medh'hebeve) Islame në Malajzi morën pjesë dijetarë, intelektualë dhe mendimtarë nga Australia, Indonezia, Tajlanda, Malajzia dhe Republika Islamike e Iranit, dhe u theksua domosdoshmëria e forcimit të unitetit dhe harmonisë në botën islame.

Sipas Pars Today, në këtë takim, Hojjatol'Islam wal-Muslimin Hamid Shahriari, Sekretari i Përgjithshëm i Forumit Botëror për Përafrimin mes Denominacioneve (Medh'hebeve) Islame, prezantoi dokumentin strategjik me shtatë pika të këtij forumi. Ky dokument, i përqendruar rreth temës "Ummeti Islam dhe Identiteti i Unifikuar Qytetërues", thekson udhëheqjen shkencore të Ummetit, rrjetëzimin e elitës, prodhimin e përbashkët të dijes, zvogëlimin e dallimeve fetare, përballjen me lëvizjet tekfiriste, fuqizimin shoqëror, rolin e medias dhe artit, si dhe harmoninë institucionale dhe qytetëruese në botën islame.

Gjithashtu në këtë takim, pesëmbëdhjetë studiues dhe intelektualë të pranishëm u zgjodhën si anëtarë të Asamblesë së Përgjithshme të Asamblesë Botërore (Forumit Botëror) për Përafrimin mes Denominacioneve (Medh'hebeve) Islame.

Muhamed Azmi Abdul-Hamid, kryetar i Këshillit Konsultativ të Organizatës Islamike të Malajzisë, iu referua gjithashtu kushteve aktuale në botën islame dhe tha: “Afrimi mes denominacioneve (medh'hebeve) islame nuk është një nevojë e përkohshme, por një detyrim fetar dhe një përgjegjësi e përbashkët për të gjithë myslimanët”.

Molavi Is'haq Madani, kryetar i Këshillit të Lartë të Asamblesë Botërore (Forumit Botëror) për Përafrimin mes Denominacioneve (Medh'hebeve) Islame dhe një studiues sunnit, theksoi gjithashtu rolin e studiuesve në forcimin e unitetit islam dhe domosdoshmërinë e zgjerimit të dialogut konstruktiv, respektit të ndërsjellë midis denominacioneve islame dhe përballjen me rrymat ekstremiste dhe përçarëse.

Në fund të këtij takimi, Hojjatol'Islam Hamid Shahriari, me anë të një dekreti, prezantoi Atasheun Kulturor të Republikës Islamike të Iranit në Malajzi, Habib Reza Arzani, si përfaqësuesin e parë të Asamblesë së Përgjithshme të Asamblesë Botërore (Forumit Botëror) për Përafrimin mes Denominacioneve (Medh'hebeve) Islame në rajonin e Azisë Juglindore.