Faýsal Mekdad: Günbatar sanksiýalaryna garşy göreşmek üçin Eýran bilen Siriýanyň arasyndaky hyzmatdaşlyk giňelýär
Siriýanyň Daşary işler ministri Faýsal Mekdad Tähranyň Damaska berýän goldawyna minnetdarlyk bildirmek bilen iki ýurt Günbatar sanksiýalaryna garşy ykdysady gatnaşyklaryny giňeltmegi meýilleşdirýärler diýdi.
Eýran Yslam Respublikasy Siriýa bilen strategiki hyzmatdaşlyga eýedir we Siriýa krizisinde Tähranyň bu ýurduň kanuny hökümetini goldamagy we dürli terrorçy toparlara garşy söweşde Assadyň hökümetine kömek etmegi munuň subutnamasydyr.
Terrorçy DAEŞ ýeňilenden soň, Siriýa bilen Eýranyň arasyndaky gatnaşyklar indi giňeldi we diwersifikasiýa edildi we bu gatnaşyklaryň ähli ugurlarda ösmegi üçin aýdyň perspektiwalar bar.
Eýran Press habar gullugynyň habaryna görä, Şenbe güni agşam Eýranyň Daşary işler ministri Huseýin Amir Abdollahian bilen bilelikde geçirilen metbugat ýygnagynda Faýsal Mekdad kärdeşiniň Damaska eden sapary barada şeýle diýdi: Bu duşuşyklar sebitiň yzygiderli üýtgeşmelere sezewar bolýan we günbatar ýurtlarynyň, Amerikanyň we sionist režimiň kynçylyklary bilen ýüzbe-ýüz bolýan ýagdaýynda geçirilýär.
Ol şeýle-de bu duşuşykda günbatarlylaryň birtaraplaýyn we bikanun hereketlerine we sanksiýalaryna garşy göreşmek üçin ykdysady we täjirçilik gatnaşyklaryny ösdürmegiň we ähli ugurlarda hyzmatdaşlygy berkitmegiň ýollaryny gözden geçirdik diýdi.
Al-Mekdad sözüniň dowamynda Eýran Yslam Respublikasy bilen ähli sebitleýin we halkara meseleler boýunça utgaşdyrmagymyz, Eýranyň Siriýanyň bitewiligini saklamaga ygrarlydygyny görkezýär diýip beýan etdi.
Ol şeýle-de Damask bilen Tähran Palestina halkynyň berk durmagyny we goldawyny ýene bir gezek nygtaýarlar we sionist basybalyjylarynyň we onuň tarapdarlarynyň jenaýatlaryny ýazgarýarlar diýip sözlerine goşdy.