Tehroni polis bə Azərbaycan Respublika səforətxonə həmləkə şəxsi dastqir beyku xəbəş do
Jan 28, 2023 09:30 Asia/Tehran
Qeneral Huseyn Rəhimi votışe: ımruj sıb, i nəfər silohinə şəxs bə Tehronədə bıə Azərbaycan Respublika səforətxonə həmlə və binoş karde və bə qullə ğandey həminə həmlədə i nəfər kıştə və 2 nəfər həm zəxmin bıən.
Bə paytəxti polis rəyisi votəyon əsos, həminə şəxs ısət dastqir bıə iyən təhğiğon çəyku dəvom kardedə.
Qeneral Rəhimi votışe: silohinə şəxs deştə 2 qılə hırdəni bə Azərbaycan Respublika səforətxonə varid bıə iyən məvuji ın həmlə illət şəxsi problemon və ailə vey muşkilaton be.
Azərbaycan Respublika xarıci vəzorətxonə həm qıləy bəyoniyədə elanış karde ki silohinə şəxs bə səforətxonə əmniyyəti baxş nıfuz kardə, səforətxonə əmniyyəti idorə yoli kıştəş və 2 nəfər əmniyyəti məmuron həm zəxminış kardə.
