Kişvəri vəzir: bə Boku səforətxonədə həmlə kakrdə kəsi ənqizə, şəxsi be
İron İslom Respublika kişvəri vəzir təkidış karde: bə Boku səforətxonədə həmlə kardə kəsi ənqizə, şəxsi be
Cımə ruji həmlədə ki Tehronədə bə Azərbaycan Respublika səforətxonə silohinə həmlə əncom bıə, ım səforətxonə mıhofizəkə kıştə bıə iyən 2 nəfər co qılə mıhofizəkə həm zəxmin bıən.
ron İslom Respublika prezident Seyd İbreym rəyisi həm, həminə hodisə icod bey bəpeşt vey rə əmrış kardə ki ım hodisə təğib bey bino bıbu.
Kişvəri vəzir, Əhməd Vəhidi, Tehronədə bıə Azərbaycan Respublika səforətxonə hodisə icod beyku ıştə təəssufi elanış karde iyən votışe: bə Boku səforətxonədə həmlə bey hodisə amiləkə ənqizə, şəxsi be.
Bə İrna raporti əsos, zinə kişvəri vəzir, Əhməd Vəhidi əlovəş karde: bə həmləkə amili şəxsi raporton iyən etırofon əsos, ım hodisə komil surətədə qıləy şəxsiyə hodisə be və bəpe bə ım mıvzo həm diğğət bıbu iyən çəy təğib kaardey lozime.
Kişvəri vəzir ıştə sıhbəton dəvomədə ım hodisəku ıştə təəsufi elanış karde iyən bə Azərbaycan Respublika təbəə ailə ki ım hodisədə kıştə bıə təsliyət votışe.
