Ruhani:Amerkə zılminə sanksiyaon bə İroni milləti zid terroristiyə hərəkəte.

İron İslam Respublika prezdent,Tehronədə bıə səfiron və xariciyə təşkilaton və nımayəndəqion rəison vindımonədə bə Tehroni zid Vaşinqtonı sanksiyaonış ğeyre insoni və bə İroni milləti zid cinayətkar və terroristiyə hərəkətış zınə.

İron İslam Respublika prezdent,Tehronədə bıə səfiron və xariciyə təşkilaton və nımayəndəqion rəison vindımonədə bə Tehroni zid Vaşinqtonı sanksiyaonış ğeyre insoni və bə İroni milləti zid cinayətkar və terroristiyə hərəkətış zınə.

İron İslam Respublika prezdent Həsən Ruhani zinə ım vindımonədə ki İslamiyə inğilabi səbarzəti 41 minnə sorəqardışi mınosibəti Tehronədə bərpo be, votışe: ə kəson ki İroni İroni tarix və mədəniyətdə oşno hestin zındən ki İroni millət ğoldorəti və zu ,no həxə sıxan və ğeyre ğanoniyə təziğon vədə heç vaxti təslim nibəben.

Ruhani bə İroni zid Amerkə sanksiyaon və təziğon ve beku dəvardə  2 sori mıddətdə işarəş karde və Tehronədə bıə xariciyə məmləkəton səfiron ,nımayəndəqion və təşkilaton rəison rəison votışe: dəvardə 8 manqi mıddətdə ixtisadi həmmə meyaron mincumlə ğeyməton rost be və İronədə  sərmayə noe iyən ixtisadiyə inkişaf və ko iyən fəaliyəton icod karde bə İroni milləti zid Amerkə fitnəqərə hərəkəton məğlub be nışon dodə.

İron İslam Respublika prezdenti işarəş karde ki islamiyə inğilabi sepah pasdaranı Ğuds ğıvvə fərmondə şəhid qeneral Ğasım Suleymani məntəğə əmniyyət və oroməti domoədə be və əlavəş karde ə çi ki sıpiyə kə (Amerkə) məntəğədə əncom dodə,bə məntəğə milləton faydon zid iyən bə məntəğə əmniyyəti zid və bə Amerkə millət iyən Vaşinqtonı faydon zidde.

Im mərasimədə Tehronədə bıə səfiron və xariciyə nımayəndəqion iyən təşkilaton rəison de islami inğilabi səbarzəti 41 minnə sorəqardışi mınosibəti bə İron İslam Respublika prezdenti təbrikışon vote.

İronədə bıə Fələstinı səfir Səlah Zəvavi həm Tehronədə həmməysə ğədimiyə səfiri nomo ım mərasimi bino əkə be.