Tehroni cımə nımoji xətib: ğərbi dınyo, islomi cozibəku niqərone
Tehroni cımə nımoji xətib votışe: kofri dınyo islomiku vəhşətışon heste və ğərbi dınyo islomi cozibəku niqəronin.
Bə İrna raporti əsos, Tehroni cımə nımoji xotbəonədə Tehroni cımə nımoji xətib, Huccətul İslom vəlmuslemin Kazım Seddiği bə Kərimə Ğıroni oxonə be ehtıroməti işorəş karde iyən votışe: kofri dınyo İslomiku vəhşətışe və ğərbi dınyoku İslomi cozibəku niqərone, əv ijən təsdiğış karde: əvon vindeydən ki İslomi osmoniyə yolə ləpə mığubilədə, karde zınəşon ni ki hiç ko əncom bıdən, bə çəy xot bə tovhin kardey dast jəşone. ğərbion ıştə duə şuaron əks əməl kardedən.
Huccətul İslom vəlmuslemin Kazım Seddiği həmçınin şəxson iyən təşkilaton sanksiya kardey ğərbion hərəkəton barədə təsdiğış karde: həminə təşkilatonku qıləyni İslomiyə İnğilobi Sepah Təşkilot be, həmonə təşkilot ki ıştə ko bino beyku tosə bə ısət, ıştəni din, inğilob, millət və məmlekəti fidoş kardə .
Tehroni cımə xətib ijən əlovəş karde: Sepah bə Avropavıjon həm xıdmət rosnəşe, boçi ki Qeneral Şəhid Suleymani deştə təşəbbus iyən bə Xıdo təvəkkul kardey vositə karde zınəşe mıcohidonku qıləy həlğə icod ko və DAEŞ-i vədə, ki ıştən və Amerkəvıjon əy icodışon kardə bin, muğabilə ko və icozə mədo ki DAEŞ-i otəş bə Avropa bırəse.
Tehroni cımə İmom ihən bə Avropavıjon iyən ğərbion votışe: əvon pidəşone Sepah zəif bıbu, əmmo Sepah vey zumand bəbe və şımə vini bə xol jeydə.