İnğılobi Yolə Rəhbər:Farsi kandov iyən Hormozi tanqə nuyə fəsl bə əməl omə holədəy

İslomi İnğılobi Yolə Rəhbər Həzrət Ayətullah Seyd Məjtəbo Huseyni Xameneyi de Ordibeheştə manqi 10-ə ruji yəni de Farsi kandovi milliyə ruji mınosibəti bıə mesajədə bəyodışon dənoə:Imruj məntəğədə de dı manq çe dınyo zu tətbiğ kardə həmməysə dıjdə ləşkəri təcovuziku dəvardey iyən de amerkə ıştə planədə yavə şikilədə dəboxtey,Farsi kandov iyən Hormozi tanqə nuyə fəsl bə əməl omə holədəy.

Bə Pars Tudey doə məlumoti əsos,çe İslomi İnğılobi Yolə Rəhbər Həzrət Ayətullah Seyd Məjtəbo Huseyni Xameneyi de ordibeheştə manqi 10-ə ruji yəni de Farsi kandovi milliyə ruji mınosibəti bıə mesaji mətn jıləvoniye:
Bismillahir-Rəhmonir-Rəhim Xıdovənde-Mıtəoli boçəmə məntəğə mısılmınon,məxsusən bo İslomi İroni şərofətinə mərdumi mislış nıbə nemətonku qıləyni,”Farsi kandovi”neməte.qıləy nemət ki,çe qıləy panə ovə vırəsə əlovə ki,çe təməddun iyən sivilizasiyə qıləy baxşış bə formə dənoə iyən çe milləton ittisoli noxtəsə əlovə,çe qlobal ixtisodi unikal iyən həyoti marşurutış Hormozi tanqədə və çəy bəpeştə Omani dıyoədə icodış kardə.ın stratejikə sərmoyə dəvardə əsronədə bo məntəğə kişfəron çe veyə şəytonon taməonış rost kardə iyən çe avropə iyən amerkəvıjon tikrorinə təcovuzon,noəmnətiyon,zərəlon,iyən çandə qılə təhdidon sabiğə,çe mıstəkbiron bə Farsi kandovi məntəğə sakinon ələyh fəğət qıləy baxşe ki,çəy həmməysə tojə qıləyni çe yolə şəytoni oxonə ğoldorə hərəkətone. İroni millət ki,bə Farsi kandovi zəmini sahili həmməysə veyə qıləyni malike,çı Farsi kandovi mıstəğiləti iyən de xariciyon və təcovuzkoron mıborizə royədə həmməysə veyə confəşonətişon kardə:Isət çe potuğaliyəvıjon ixroc kardey iyən Hormozi tanqə ozod kardeyku ki,çe Ordibeheştə manqi 10-ə ruji nom noey,bənə Farsi kandovi milliyə ruji unvoni əsose,tosə bə Hollandiyə mıstəmləkəçəti ələyh mıborizə iyən çe İnqilison mıstəmləkəçəti mığobilədə mığoviməti ğəhrəmonəti və... Əmmo İslomi İnğılob,mıstəkbiron çe Farsi kandovi məntəğəku dasti kuto kardey mığoviməton dəçoknə noxtə be iyən ımruj məntəğədə de dı manq çe dınyo zu tətbiğ kardə həmməysə dıjdə ləşkəri təcovuziku dəvardey iyən de amerkə ıştə planədə yavə şikilədə dəboxtey,Farsi kandov iyən Hormozi tanqə nuyə fəsl bə əməl omə holədəy.Farsi kandovi məntəğə milləton ki,çandə dırozə sorone çe təcovuzkor iyən zu tətbiğ kardə kəson vədə bə hukuməton tam jey iyən zıllət ğəbul kardey adətışon kardə.dəvardə şest ruji dırozi çe ləşkəri Dıyo Ğıvvon iyən Sepah iyən çımon kəno çe əzizə İroni cənubi baxşi ğıryətin və ğəhrəmonə millət iyən cıvonon şucoətinə mıcohidət,huşinəti iyən ğoyməti reçinə cilvəon,xarici sultəqəron inkori koşon deştə çəşon vindəşone.Imruj de Həzrəte Həx(cəllu-əlo) inoyəti və de Seminə Təhmili Canqi məzlumə şəhidon məxsusən de İslomi İnğılobi Yolə şə`nış bıə iyən diyəro bində Rəhbəri(Ə`ləllahu məğaməhuş-şərif) xuni bərəkəti, nəyinki,dınyo iyən çe məntəğə milləton iştimoyi fikon miyono,hətto bo kişfəron hakim iyən sultonon həm isbot be ki,amerkəvıjə xarici ğıvvon iyən çəvon Farsi kandovi sərzəminonədə lonə ejey, reqiyonədə həmməysə muhimmə noəmni amile və çe amerkə puçə hərbi bazəon ki,ıştə əmniyyəti təmini koyədə ocizin,ısət çe bımando de amerkə təvəssıti çe məntəğə amerkəpərəston və çəvonku bəşıkrə bıə kəson əmniyyəti təmini.De İlahi hovlı-ğıvvə çe Farsi kandovi məntəğə dəvəşə ayəndə,amerkə nıbə qıləy vəomə iyən çe milləton navşemoni,osoyiş iyən rifohi xıdmətədə bəbe.Əmə deştə hamsuyəon çe Farsi kandovi panə ovonədə iyən Omani dıyoədə”həm sərnıvıştimon” və xariciyon ki,çandə həzo kilometr diyəroku taməhkoronə formədə əyo de şərə koon məşğulin,qıləy co ki,əyo nin illah ki, rofətinə həmvətən,həmmə hoviyyəti, mənəvi,insoni,elmi zərfiyyəton,sənaye iyən əsosə nuyə texnoloqiyəon-ısət çe nanoku qətə tobə biyo-tobə atomi iyən rəketi texnoloqiyəon-ıştə milləti sərmoyəşon fərz kardə iyən bənə ovi,zəmini iyən həvo marzon əy xandi bəkardeyn.İslomi İron de bə Hormozi tanqə idorəçəti tətbiği əməli şukri,çe Farsi kandovi məntəğə əmniyyətin bəkarde və çe təcovuzkorə dışmeni çın ovə rooyku bıə suyi-istifodə zəminə dəbəparçı ne.Hormozi tanqə tojə idorəçəti tətbiğ,bə məntəğə milləton nəf və xəyri osoyiş iyən navşemoni icod bəkarde iyən çəy ixtisodi neməton çe İroni milləti dılon şo bəkarde.؛ بِاِذنِ الله وَلَو کَرِهَ الکافرون.Seyd Mujtəbo Huseyni XameneyiOrdibeheşti-10,Həşi -1405-ə sor