İslomi İnğılobi Lider: Livani Hizbullah Mıcohidon Mıdofiyə kardey çı İslomi Respublikə strateji siyosəte

Pars Tudey-Bə Hizbullah Sər katib və mumin iyən cəsurə canqəvəron bəfodorəti və sədoğəti nomə cəvobən,İslomi İnğılobi Lideri bə İroni çı Livani mıcohidon mıdofiyə kardeyədə strateji siyosəti dəvom doey təkid kardə holədə,bə Hizbullah de seonistə dışmeni ələyh muborizədə bıə navəşənə roli və bə dınyo ozodə xalğon çe qlobalə istikbori zulmiku ozodətiyədə bıə ilhoməbaxşə mənbəş işorə karde.

Pars Tudey bə IRNA istinodən doə məlumoti əsos,İslomi İnğılobi Lider Ayətullah Seyd Mıştəbo Huseyni Xameneyi bə Hizbullah Sər katib və mumin iyən cəsurə canqəvəron bəfodorəti və sədoğəti nomə cəvobən,elonış kardə:İroni İslomi Respublikə çe Livani ərazi təmomiyyəti xandi kardey və çı seonist rejimi təcovuzi təmomən və beğeyd-beşərtə formədə miyoni bardey çı təcovuzkorə Amerkə tətbiğ kardə mıhoribə bə oxo rosneyro bənə təfahumi memorandumi iminə şərti mıəyyənış kardə.İnğılobi Rəhbəri bə Hizbullah canqəvəron məktubi cəvobən nıvıştə nomə tam mətn jıqoe:

بسم الله الرّحمن الرّحیمیا أَیُّهَا الَّذِینَ آمَنُواْ قَاتِلُواْ الَّذِینَ یَلُونَکُم مِنَ الْکُفّارِ وَلْیَجِدُواْ فِیکُمْ غِلْظَة...

Cənob Huccətul-İslom vəlmuslimin Şeyx Nəyim Ğasım,(h) Livani Hizbullah hurmətinə sər katib və çe Hizbullah qırd cəsur,səbrin və tovinə komandiron və canqəvəron.Bəşmə həmmə səlom bıbu

السّلام علیکم جمیعا و رحمةالله .

Çımı bıvə və fərzəndon,çı Hizbullah bəfodor və cəsurə canqəvəron,şımə nıvıştə məktub,bo Xıdo kəlomi barzəti,Əzimə Ğıroni və`don və bə İmom Xomeyni(r) və şəhidə lider Ayətullah-Uzmo Xameneyi(r) izzətofəyə ideyalon bovəro qıləy mehkəməti və tovinəti mesajış heste,bə təğdır və hurməti loyığe.Imruj çı dınyo xalğon Amerkə hukuməti və sərzəminon və nəslon məhf kardə cinoyətkorə seoniston ğəddorəti və zulmiku bezo bıə qıləy vaxtədə,çı cihod və mığovimətiku co qıləy çorə mandəni və bın royədə əzmkorəti Xıdo və`d kardə ğələbə həxə royədə bə canqəvəron nəsib bəkarde

...وَکَانَ حَقًّا عَلَیْنَا نَصْرُ الْمُؤْمِنِینَ.

Isət Livani Hizbullah bənə cihodçiyə qrupon navəşəni bə seonist rejimi və bəçəy tərəfdoron beəmonə hucumon ələyh qoymə formədə bənə qıləy tavi mandero,ın əzmkorəti bo dınyo ozodə xalğonro çı qlobalə istikbor və çəy dasti jiyədə bıə kəson zulmiku və sıtəmiku ozod beyro bə qıləy ilhoməbaxşə mesaji təbdil bıə.Şubhə ni ki,çın dıjdə noiliyyəti qıləy əhəmiyyətinə hissə,xususən həm cənubi məntəğədə bıə Livani xalği səbr,nəcobət,fədokorəti və həmroəti sayədə bıə. İroni İslomi Respublikə,bə Ali Rəhbər və İnğılobi Şəhidə İmom Seyd Əli Xameneyi(r) siyosəti mıtobiğ,ın məzlum və zumandə mıcohidon mıdofiyə bənə ıştə strateji siyosətiş mıəyyən kardə və Livani ərazi təmomiyyəti mıhofizə və seonist rejimi təcovuzi təmomən və beğeyd-beşərtə formədə miyoniku bardey de təcovuzkorə Amerkə bıə məcburi mıhoribə bə oxo rosneyro bənə çı təfahumi memorandumi iminə şərti mıəyyənış kardə.Bıdə Barzə Xıdo dıvon və rəhmət bə şəhidon,bə zəxmiyon və bəçəvon səbrinə xıyzonon,bə saxtiyon tov vardey boştə hoston kardə Xıdo royədə bıə mıhociron bıbu.Xıdo səlom bıbu bə Hizbullah şəhidon lider Seyd Həsən Nəsrullah və bə mığoviməti sələfo həmmə komandiron və şəhidə həmroon səmavi rufi.Rizvanullah-Təala ələyhim əcməin.Əvon İslomi mığoviməti toğə rişəşon bə mehkəm,xıçəş osmonədə bıə bə qıləy ğoymə doşon təbdil karde və deştə cihod iyən mığoviməton İslomi dınyoədə bo Livani şərəf və izzətışon vardə canqəvəron səlom və rəhmət bıbu.Oxoyədə umu kardedəm ki,deçəmə Əğə dıvoon bərəkəti Xıdovənd bəmə,bə qırd canqəvəron,bə şəhidon,bə mığoviməti veteranon,bə mıhociron və bəçəvon səbrinə xıyzonon həmməysə barzə dərəcədə bıə İlahi lutf və mərhəmət baxş bıko.

وَنُرِیدُ أَن نَّمُنَّ عَلَى الَّذِینَ اسْتُضْعِفُوا فِی الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِینَ والسّلام علیکم و رحمةالله و برکاته

Seyd Mıştəbo Huseyni Xameneyi.