Bə Tolış, Qiloni məhkəmə heyəti səfər
Qiloni məhkəmə heyət 1 rujə səfəri ğolibədə bə Tolış şəhrıston səfərış kardə iyən ım səfərədə çand qılə iğtisodi, mədəni, ictimai və obodəkə planonro çokə ğərolon qətə bıə.
Bə Tolışi rədio raporti əsos ki Tolışon Niyuz nəğliku raportış doe, Qiloni məhkəmə yol Huccətul İslom Həmzə Xəlili, Kərqanrodi məntəğə Həzrəte Əli İbne Əbi talebi koçəkə toyfəon və şəv-ruji məktəbxonəku vindemoni cərəyonədə, ım məktəbxonə təchiz kardey iyən rifoh imkanaton komil kardey cəhəto, lozimə əmron doə bıə.
Həmçınin ım vindemonədə, Xotbəsəro caddə plani icro bey prossesiku vindemoni cərəyonədə təyin bıə ki ım plani maneon peqətə bıbu iyən lozimə ləvazem iyən məteriyalon ko soyon ixtiyorədə ğəror bıqəto ta harçəxtə rə ım caddə bə əsliyə caddə dəçoknə bıbu.
Qiloni məhkəmə yol, Tolışi Siyah Cəfəri ru barədə həm bə lozimə tədbiron qətey təkidış kardə ta oveyzi ehtımoli zərəl ziyanon vəy qətə bıbu, iyən tələbış karde ki ım ru təmiz kardey vey rə əncom bıbu.
Votey bəbe ki Qiloni məhkəmə tolış zıvoni muavin, Əhməd Ağai həm ım məhkəmə heyəti cəmədə iştirokış be.