Bə Ayətullah Əbbos Məhfuzi bə rəhmət şey mınosibəti xoto, Qilonədə umumi əzo elon bey
Qilonədə vəli Fəğih nımoyəndə, maştə Həşi 1403 minnə sori Şəhrivərə manqi 22 minnə sori Qilon ostanədə umumi əzo elonış kardə.
Bə Qiloni Tele-Rədio aqentiyəti raporti əsos, bə Ğom şəhri elmiyə hozzə məşhurə fəğihon iyən ruhaniyonku qıləyni, Ayətullah Əbbos Məhfuzi bə rəhmət şey mınosibəti xoto, de Rəşti cımə İmom və Qilonədə vəli fəğih nımoyəndə, Ayətullah Fəlahəti əmri əsos, maştə və bə ım əla alimiku ğədrdonəti kardey xoto, Qilonədə umumi əzo elon bıə.
Şəhrivərə manqi 20 minnə şəvədə Ğomi elmiyə hozzə alimonku qıləyni, Ayətullah Məhfuzi Qiloni, bə noxəşəti xoto, və 96 sori sinnədə bə rəhmət şə.
Ayətullah Məhfuzi Qiloni Həşi 1307 minnə sorədə Mordadə manqi 18 minnə rujədə və Rudsər şəhrıstonədə bə dınyo omə be və Ğom şəhri elmiyə məşhurə alimonku bə hisob omeydə be.