Pars Today

Qorcestoni Miqrasiya Xıdməti de Boku tələbi Tbilisiədə dəstqir kardə azərboyconovıjə jurnalist Əfqan Sadıqovi pənohqo doe məsələ diə kardə. Bın barədə bə jurnaliston əçe vəkil Dmitri Nozadze məlumotış doə

Qırcıstoni Miqrasiya Xıdməti de Boku tələbi Tbilisiədə dəstqir kardə azərboyconovojə jurnalist Əfqan Sadıqovi pənohqo doe məsələ diə kardə. Bın barədə bə jurnaliston əçe vəkil Dmitri Nozadze məlumotış doə.“Isət əmə miğrasiya xıdmətiku cəvob çəş kardəmon, peş bimi miğrasiya departament bəy pənohqo doe-nıdoe ğəror bədo”, – Nozadze bəyonış kardə.Sentyabri 3-də miğrasiya xıdməti koəkon dəstqirxonədə de S.Sadıqovi mulağotonşon bardə. De əçe jimoni həmro Sevinc Sadığova sıxanon, jurnalisti bəvon Azərboycon iyən Qırcıstonədə təğib be, de soxta ittihomon koon bino be barədə məlumotış doə.Pənohqoku imtino be təğdirədə mudafiə tərəf bə məhkəmə obəvarde.Əfğan Sadığov Qldani dəstqirxonəda oğətə bedə. Sevinc Sadığova əçe səhhəti bevəc be votedə.“Əv, vey behole. Dastqirxonədə harde kam iyən keyfiyyət bə ji beku normal hardeku bə. Bo əy harde varde icazə ni”, – jurnalisti jimoni həmro bəyonış kardə.Sadıqov avqusti 3-də Tbilisiyədə qətə bə. Qorcestoni hokumət əy de tars ome pul tələb kardeədə ittihom bə Azərboycon deportasiya karde niətış hıste.Əfğan Sadığov dəstqir bə vey jurnalistonədə qılıye,Azərboyconi “Azel.tv” sayti sər redaktor bə.2020-minə sori Azərboyconədə de tars ome pul tələb karde ittihomi 7 sor ozodətiku məhrum kardə bəbe.2023-minə sori mayə manqədə de İlham Əliyevi əfv fərmonı ozod bə. Sadığov ıştə taxsi nı be, dəstqirxonədə vəşiəti aksiyaş bino kardə, ittihomon de peşə fəaliyyəti anqıl be iddioş kardə. Huğuğ mudafiəəkon əy bənə siyasi məhbusi zınəşone.Qorceston de Boku tələbi qətə jurnalisti pənohqo band ovarde diə kardəSadıqov Tbilisiədə qətə bə peş qırci jurnaliston Qorcestan Dılətonə Koon Vəzorəti vədə etiroz aksiyaşon dəvonə, əçe bə ozodəti vadoə be tələbşon kardə.