İnqilisə rujnomə:çe amerkə silohi ehtiyoton bəkam bıə-Nyu-York Taymz:İbıə ştaton dıyo ğıvvon bə tənəzzuli səmte

Çe amerkə bə İroni ələyh canqi dəlili xoto çın kişfəri silohi ehtiyoton veyə mığdorədə bəkam bıə və amerkə bəştə avropəvıjə mıttəfiğon çəşnaviş doə ki,de ehtiyoton pur kardey hədəfi silohon təhvil vey dıroz bəbe.

Bə Pars-Tudey doə məlumoti əsos,Faynanşel-Taymzi rujnomə nıvıştəşe ki,Vaşinqton boştə silohi ehtiyoton ki,bə İroni ələyh canqi nəticədə təxliyə bıən,pur kardey hədəfi bıə səyon miyono bəştə avropəvıjə mıttəfiğon min cumlə bə Britaniyə,Polşa,Litva iyən Estoniyə xəbərdorətiş kardə ki,çe amerkə silohon təhvili koyədə qıləy dırozə təxiri intizorədə bımandon. Nyu-York Taymz:İbıə ştaton dıyo ğıvvon bə tənəzzuli səmteHəmonə holədə amerkəvıjə rujnomə Nyu-York Taymzi qıləy hisobotədə jıqoş nvıştə:amerkə dıyo floton zərfiyyəti bəkam bey,hərbi xarcon ziyodəti iyən çe çini dıyo ğudrəti de surəti bıə ozavziye,çe vaşinqtoni dıyo barzəti tədrici suğute.amerkə çe ğərbi asiyə canqon bədiqə deştə hərbi xarcon kam kardey,bo mıosirə canqonro ıştə hozzıətiş çe dasto doə.çın kişfəri dıyo ğıvvon çe dınyo həyotiyə quzərqo nəzorətış çe dasto doə.