Bəğayi:Şəhid Kazımi təşyi mərosim bə vətəni doə vədi bə vırə rosnə qıləy ğəhrəmoni bıə ehtırome

Pars Tudey-Bə İroni Şəhidə piloti cənozə oqordıney və təşyi mərosimi işorə kardə İroni Xarici Koon Vəzirəti sıxanəvoti təkidış kardə:In təşyi mərosim bə vətəni doə vədi tosə oxonə ani bə vırə rosnə qıləy ğəhrəmoni bıə ehtırome və qıləy milləti çəşon hələm həm Həşi 1404-ə sori İsfənd manqi həmonə dıqlə pəremoni co seqlə şəhidi inrizorədən.

Pars Tudey bə IRNA istinodən doə məlumoti əsos,İroni Xarici Koon Vəzirəti sıxanəvot İsmoyl Bəğayi mordadə manqi 8 cımə şəvi X şəbəkədə Həşi 1404-ə sori İsfəndə manqi bə Amerkə-seonistə hərbi təcovuzi ələyh bo İslomi vətəni mıdofiyəro canqi əməliyyoti zəmonədə şəhid bıə de pilot Məcid Kazımi cənozə oqordıney mınosibəti vığandə mesajədə nıvıştəşe:İroni Hərbi Həvo Ğıvvon de surəti pərə puton, ıştən bə kə nıoqardon həm,ıştə missiya təmom kardə qıləy nəslikuye.