Tehroniku tobə Kazani; Tatarıstan çı İroni de BRICS-i nuyə uzvon bıə həmkoəti bə rujnomə vardedə

Pars Tudey-Tatarıstoni Prezdenti votəşe:Bə BRICS-i uzv bıə kişfəron,de İslomi dınyo,Cənub-Şərği Asiya və Latın Amerkə bıə həmkoəti inkişof doey bo ın Rusiya respublikə əsosə prioritetonku qıləyniye.

Pars Tudey doə məlumoti əsos,bə TV BRICS-i doə mısohibədə Tatarıstoni Prezdent Rustəm Minnixanov bə 2024-ə sori Kazanda bərpo bıə BRICS-i sammiti işorə kardə holədə votəşe ki,ın tədbir bə Tatarıstoni beynəlxalğə nufuzi ziyodəti və xarici investisiyaon cəlb bey boyis bıə. Bəçəy sıxanon əsos,inkişof kardə sənaye,texnoloji,nəğliyyot və di təsərrufoti infrastrukturi malik Tatarıston de BRICS-i kişfəron bıə mıştərəkə loyihəon bə həyot dəvordıneyro barzə potensiyali malikdir. Minnixanovi əlovəş kardə ki,ın respublikə həlolə sənaye inkişofədə və həlolə məhsulon ixracədə həm qıləy xususi vırə qəteydə və ticorət,investisiya,loqistika və texnoloqiya sahəonədə həmkoəti hevuj kardey təşviğ kardedə. Əv,həmçinin bə de BRICS-i kişfəron bıə elmi və akademikə həmkoəti inkişofi təkid kardə holədə bəyonış kardə ki,Tatarıstoni universitetonədə 20 həzosə ziyodə xarici tələbə təhsil seydə və elmi mıbodilə proqramon və mıştərəkə tədğiğoti mərkəzon icod kardey vey beydə.