İİMK Zəmini Ləşkəri Komandan:Bə dışmeni har qıləy səhfə hisoboton ələyh beşeyro hozzımon

Pars Tudey-İİMK Zəmini Ləşkəri Komandan:Əmə çe terroriston ratədəmon və bə dışmeni har qıləy səhfə hisoboton ələyh beşeyro hozzımon.

Pars Tudey bə İroni Tele-Rədyo Şirkəti istinodən doə məlumoti əsos,İİMK Zəmini Ləşkəri Komandan briqada qeneral Kərəmi 2 şambə ruji bə İroni şimol-ğərbədə bıə əməliyyoti məntəğəon kardə səfə zəmonədə votəşe:“Cəsorət və cəsuron ğıryəti diyor bıə şimol-ğərb,transreqiyonal dışmenon və terroristə qrupon tərəfiku bə har qıləy səhfə hisoboton ələyh ratədə mandən.” İİMK Zəmini Ləşkəri Komandani xəbərdorəti kardəşe:“İronədə bıə Həmzə Seyyid əl-Şuhədo(ə) ğərolqo canqəvəron bo har qıləy təhdidi de kəşfiyyot və əməliyyoti hozzıəti de ğətiyyəti cəvob doeyro hozzıə vəzyətədən və ın sərzəmini bo yavə unsuron və bo muzduron bə ğəbıstoni təbdil bəkardeyn.”