De DAEŞ-İ terroristiyə qrupi iyən de seonist rejimi 12 rujə canqədə mıborizə bardeyədə Sepah hərəkəton nəzə kardey

Bə Pars Tudey- raporti əsos İslomiyə İnğilobi Sepah təşkilot dəvardə 50 sorədə İroni İslomiyə İnğilobiku rost bıə mərkəz nomi, İroni milli əmniyəti və reqiyonal hodisəonədə muhimmə rolış ifo kardə. Məxsusən Sepah de DAEŞ-İ terroristiyə qrupi və de seonist rejimi 12 rujə canqədə dəvəşə bıə əməlonışon əncum doə.

DAEŞ terroristiyə qrupon mevzuədə, 2013 və 2014 minə soronədə ın radikalə terroristiyə qrup bə forma dəşe və Suriyə iyən İrağədə surətinə surətədə çəy hevuj be bo məntəğə həmmə ciddiyə təhdidış icod karde.

Xəyli təhlilçiyon bovəşon heste ki, əqər DAEŞ terroristiyə qrupi bənav şey dəvom pəydo əki, nəinki, Suriyə iyən İraği devləton vılo əbin, bəlkəm bə hamsuyə kişvəron mencumlə İroni bestabelətiku qıləy ləpə siroyət əki. Jığo şərayitədə İron elonış karde ki, de İrağ iyən Suriyə devləton tələbi əsos bə hərbiyə mışoviron komək doe iyən bumiyə ğıvvon təlim və hərbiyə mışovirə doeş əncum doə.

Sepah təşkilot, məxsusən Ğudsi ğıvvon ın fəoliyəton əsliyə mehvər be.

İrağədə DAEŞ terroristiyə qrupi ikərə bənav şe və 2014 minə sorədə Mosuli suğut kardey, ın kişvəri mıdofiyə struktur şiddətinə surətədə ziyonış vində be.

Mıxtəlif raporton nışon doydə ki, İron de hərbiyə mışoviron vığandey royku və İraği milliyə ğıvvon de Həşduş-Şəəbi nomo ğıvvon bərnomə doey komək kardey, Bəğdadi Samera və Kərbəlo mıdofiyə xəton stabilətiədə muhimmə rol ifoş kardə. Xəyli İrağıjə kamandiron ıştə mısohibəonədə etırofışon karde ki, İraği hərbiyə zumandəti ve bıeədə İroni hərbiyə mışoviron vositə doə təlimon təsirin bıə. İyən de DAEİŞ terroristiyə qrupon mıborizədə bumiyə qrupon və İraği ğıvvon miyono həmohənqəti bıə fəoliyətonku 1baxş bıe ki, bə İraği rəsmi mənbəon vote əsos de İroni hərbiyə mışoviron rol ifo kardey əncum be.

 Məxsusən Sepah təşkilot Ğuds ğıvvon kamandir Sərdor Suleymani tale hələkə və təsirinə huzur və irağədə ın terroristiyə təchizaton ğıvvonku yolə baxşi miyono bardeyo çəy hidoyəton kilidiyə rolış hest be.

Suriyədə həm mislış bıə vəziyətış hest be.

Suriyə devlət 2011 minə sorədə noromətiyon bino bıey bəpeştə, sıftənə soronədə kişvəriku yolə baxşi nəzorət kardey behronış dasto doə be.

Suriyə şərğədə DAEŞ terroristiyə qrupi hevuj bıe Dəməşğədə təhdid karde İron elonış karde ki, bə Suriyə devləti tələbi əsos hərbiyə mışovirə koməkon doydə.

Hərbiyə təhlilçiyon bovəşon heste ki, ın həmkoətion Dəməşği suğuti navi qətey və muhimmə məntəğəon ijən bədast vardeyo təsirin bıə.

Kali əməliyoton bənə Suriyə kilidiyə şəhron bənə Hələb və Bukəmal məxsusən de bumiyə ğıvvon və Suriyə hərbiyə ğıvvon həmohənqətiədə Sepah hərbiyə mışoviron kilidiyə rol ifoş karde.

In hərəkəton kənoədə Suriyə millətiku milliyə ğıvvon forma doeədə və həm Livani Hizbullah hərəkoti iştıroki kənoədə Heydəriyon və Fatemiyon iyən Zeynəbiyon ləşkər hərbiyə vohidon bə forma doeyo həm İroni muhimmə rol be ki, DAİŞ terroristiyə qrupi vədə mığovimət kardeyədə muhimmə rol ifoşon karde.

In ğıvvon zınəşone DAEŞ terroristiyə qrupon bənavşe vədə mıhkəmə səd icud karde və çəyku bəpeştə qəm bə qəm DAEŞ terroristiyə qrupon ğıvvon bə dumo bınışandon.

In mevzu Beynəl-Xəlğ mutaliyə mərkəzon raportədə həm elon bıə ki Suriyəvıjə ğıvvon, xariciyə hərbiyə mışoviron himoyə kardey, omə soronədə DAEŞ terroristiyə qrupon məğlub kardey əsliyə amelonku bıə.

 oxoysə Sərdor Şəhid Suleymani bə 2017 minə sori Noyabri oxonə rujonədə ki, de həşi 1396 minə sori Abanə manqi bərobər kardə Suriyə Bukəmali ozod kardey və DAEŞ terroristiyə qrupon nəhayi məğlubiyətış elon karde.

2025 minə sori 12 minə ruji canqi cərəyonədə ki, seonist rejim və ironi miyono sərustə şiddətinə dimbədim bıeonku vəsf bıə, İslomi İnğilobi Sepah təşkilot İroni hərbi cəvob doeyədə mehvəryə rolış ifo kardə.

In canq motəğabilə hucumon və əmniyətiyə problemonku iməcmoə bəpeştə bino be və surətinə surətədə Aviya otəş, rəket və bepilotə təyyorəon mıbodilə kardeyku bə torixədə nıbə səviyə rəsəy.

Reqiyonal təhlilçiyon bovəşon heste ki, ın canqon İroni mıdofiyə zumandəti nımoyiş doeyədə məxsusən Sepah Aerokosmik   ğıvvon roli xoto qıləy bino bıə noğtə be.