Livani Hizbullah çe sehyonist rejimi ləşkəri anti-zirehə sistemış hədəf ğərol doə

Livani İslomi Mığoviməti elonış kardə:De qıləy droni çe Livani cənub “Əlbəyaziyyə”məntəğədə bə sehyonist rejimi ləşkəri məxsus anti-zirehə sistemış hədəf ğərol doə.

Bə Pars-Tudey doə məlumoti əsos,Livani Hizbullah təkidış kardə ki,ın hucum de dəğiğə isobəti bə ico bıə.Çe sehyonist rejimi ləşkəri həm etırofış kardə ki,zinə şambə ruji rəket iyən kamikadze dronon bə Livani cənubədə bıə çın rejimi əməliyyoti məntəğəon səmt ğandey bıə.İşğalqərə rejimi ləşkəri iddiyoş kardə ki,ın həmləon bəçəvon ğıvvon istiğror bıə məkonon səmt bıə və bın həmlə zəmonədə hiç qıləy tələfot bə əməl oməni.Livani medya mənbəon eyni zəmonədə bə Livani cənubi mıxtəlifə məntəğəon çe sehyonist rejimi ləşkəri tərəfiku hucumon şiddətin beyku xəbəşon doə.