Malayziya bo israyilıjon çe kişfəriku xaric kardey dəvom kardeyədə isror kardedə
Pars Tudey-Malayziya mıdofiyə vəzir,çəy kişfəri hələm həm çe israyili rejimi bə rəsmiyyət nızıney təkid kardə holədə,israyilıjon çe Malayziyaku bekardey siyosəti əvəz nıbeyış bəyon kardə.
Pars Tudey bə IRNA istinodən doə məlumoti əsos,çe Malayziya mıdofiyə vəzir Məhəmməd Xalid Nuruddin çəy kişfəri çe israyili vətəndoon ıştə əraziku bekardey dəvom kardey və ın hərəkəti de Kuala Lampuri bo israyili rejimi bə rəsmiyyət nızıney anqıl dıroz mıddəte dəvom kardə siyosəti çərçivədə bə həyot dəvordıneyış bəyon kardə. Malayziya mıdofiyə vəziri bə israyilıjon ələyh har qıləy hərəkəti bə Kuala Lampuri mevcudə siyosəti bob beyış bəyon kardə.Əy,əlovəş kardə ki,oxonə deportasiyaon Cohor ştati Forest City məntəğədə bıə "Şəbəkə Məktəbi" (Network School) nomo mərkəzədə bo israyilıjon nıbey təmin kardero bə jimon dəvordınə bıə. Malayziya mıdofiyə vəziri ın sıxanon çe AİŞ həşt qılə konqresmeni çımi bənav bəzi israyilıjon bə Malayziya çe diqər kişfəron pasporton daxil bey barədə məlumoton bədiqə Vaşinqtoni administrasiya de Malayziya əmniyyət və ixtisodi əloğəon nəzəku dəvordıney tələbi bədiqə votəşe.
