Ənsarullah:Cinoyətkorə Tramp çı İroni zuku tarsə holədə sulhiku qəp jeydə

Pars Tudey-Yəməni Ənsarullah hərəkotıi siyosi ofisi barzsə vəzifəynə uzvi bəyonış kardə:Cinoyətkorə AİŞ prezdent çe İroni hərbi ğudrətiku tarsə holədə sənibəton bə dumo pekırey məcbur bıə.

Pars Tudey bə Təsnim Xəbə Aqentəti istinodən doə məlumoti əsos,Yəməni Ənsarullah hərəkoti siyosi ofisi barzə vəzifəynə uzv Hizam Əl-Əsəd çe cinoyətkor və terroristə AİŞ prezdent Donald Trampi bə İroni ələyh absurdə təhdidon və təkrorinə bə dumo pekıreyış bə ləğ noə. X sosyal şəbəkədə bıə postədə Hizam Əl-Əsədi votəşe:Cinoyətkorə Trampi sıxanədə bo sulhi dumo bey məcbur kardə çi,çe AİŞ-on bazəon məhf kardey və mıdofiyə ğabiliyyəton bəkam kardey bədiqə,zəyifə hərbi vəzyəti nəzədə seyə holədə,çe İroni hələm həm bə seonist rejimi,bə AİŞ-on aktivon və mənafeyon, məntəğədə bıə avjoron və enerji ehtiyoton ciddiyə ziyon jeyro bə dıjdə zu malik bey dərəseye.Əv,de istehzo təkidış kardə:Dimbədiməti erj ziyod bıə holədə,təhdidon zıvon bə sulhi dumo bey zıvoni təbdil beydə.