Şeyx İsa Ğasım Amerkə-seonistə istikbori vədə çe ərəbon rısvoyçətiş de şiddəti tənğıdış karde

Pars Tudey-Bəhreyni şiyə lider,çı Amerkə-seonistə suyi-ğəsdon barədə xəbərdorəti kardə holədə,xayinə ərəbə rejimonış de şiddəti tənğıdış karde.

Pars Tudey bə Təsnim xəbə aqentəti istinodən doə məlumoti əsos,çe Bəhreyni şiə hərəkoti lider Ayətullah Şeyx İsa Ğasım məntəğədə bıə oxonə hodisəon və de İslomi umməti vəzyəti anqıl ıştə nıtğədə mutiyə ərəbə rejimonış şiddətinə şikilədə tənğıd kardə holədə bəyonış kardə:"Ərəbi iyən İslomi dınyoədə bıə bo hiç qıləy rəsmi rejimiro sır ni ki,çe Amerkə və seonistə rejimi məkrin və suyi-ğəsdinə mevğeyon və planonışon heste və əmə bo İslomi umməti ibemoni darıştey məğsədi çəvon medya tərəfiku təbliğ kardə bıə bə qıləy zəhrinə təfrığə eğandey mədəniyyəti şoydimon.