Boçi Ekonomist jurnal etırof kardedə ki Yəməni Ənsarullah hərəkət məğlub bıə nine?

Ekonomist jurnal ıştə vey tojə reportajədə de Səudion muğabilə kardeyədə bə ım hərəkəti strateji zəifəti etırof kardəşe.

Bə ım jurnali təhliləkəyon votey əsos, Ənsarullah deştə hərbi məlumaton zumandəti iyən mohirə strukturi təkyə kardey, sıə dıyo bəştə mənafe əsos əvəzış karde.Im hərəkət ısət de rəket və dronon həmləon, sıə dıyoədə sərvətmandə Səudi Ərəbistoni qiriftorış karde və əmələdə əy mıhosirə jiədə ğərorış do.Eksperton jığo voteydən ki Sıə dıyoədə Səudi nati kəştion şe-omey bıhron ki Ənsarullah vədə deştə tarsi xoto icod bıə, vey qıvonə xarcon bə Ər-Riyadi nati sistem təhmil kardəşe.Logistiki cəhəto həm de Ənsarullah muhəndison vositə, balansinə təchizaton şəbəkə icod kardey və fiber optiki istehsol həmləon vədə çəvon muğaviməti hədəfmənd boyis bıə.Təhliləkəyon jığo bovəşon heste ki ım hərəkəti meydoni ğudrət və məlumaton zumandəti bo Yəməni işğoliro Ər-Riyadi planon de məğlubiyət dim bə dimış bəkarde.Bə çəvon bovə əsos, Ənsarullah ğudrət həmonə çiku ki çəy şoyd hestimon vey bəpeye, boçi ki ım hərəkət çımiku bənav bə israili vey təsirinə zərbəon varidış karde və Trampi dıvroni Amerkə həm bə peşo okıriye məcburış karde.