Tehronədə bə Azərbaycan Respublika səforətxonə həmlə barədə, Əmirəbdullahiyan iyən Bayramovi votımonon
İron və Azərbaycan Respublika xarıci vəziron, Tehronədə bə Azərbaycan Respublika səforətxonə silohiə həmlə barədə de telefoni surət votımonışon kardə.
Cımə ruji həmlədə ki Tehronədə bə Azərbaycan Respublika səforətxonə silohinə həmlə əncom bıə, ım səforətxonə mıhofizəkə kıştə bıə iyən 2 nəfər co qılə mıhofizəkə həm zəxmin bıən.
Həminə cəhətədə və bə İroni xarıci vəzarətxonə məlumatəərosnə mərkəzi raporti əsos,
Cımə rujədə, İroni xarıci vəzir Huseyn Əmirəbdullahiyan de Azərbaycan Respublika xarıci vəzir, Ceyhun Bayramov telefoniyə votımonədə ım həmlə məhkumış karde iyən ıştə təəsuf, təsliyət və hamdardəti elanış karde və bə ım hodisəku 2 qılə kişvəri deşmonon sui-istifodə kardey işorə iyən təkidış karde: bəpe icozə nıdəmon ki ım hodisə bə 2 qılə kişvəri mınosibəton mənfiyə təsir bınə.
İroni xarıci vəzir təklifış do ki hodisə muxtəlifə baxşon ruşin beyro, 2 qılə kişvəri əmniyyəti təşkilaton de yande nezə həmkoətişon bıbu ta mıvzo təğib iyən həl bıbu.
Həminə telefoniyə təmasədə, Əmirəbdullahiyan həmçınin İron İslom Respublika prezident Seyd İbreym Rəyisi hamdardi iyən təəssufi bə Azərbaycan Respublika prezident İlham Əliyev, çəy millət, dıvlət iyən xususi hodisə vində kəson ailə rosneydə.
Azərbaycan Respublika xarıci vəzir həm İron İslom Respublika xarıci vəzir iyən prezidenti təsliyəti mesaj iyən hamdardiku ğədrdonətiş karde iyən İroni xarıci vəziri təklifiku ki həminə hodisə ruşin bey barədə 2 qılə kişvəri əmniyyəti və məhkəmə təşkilaton həmkoəti iyən həmohənqi tələbış kardə bey himoyətış kardə.
İron İslom Respublika prezident Seyd İbreym rəyisi həm, həminə hodisə icod bey bəpeşt vey rə əmrış kardə ki ım hodisə təğib bey bino bıbu.
