Pekin:amerkə iyən israyili bə İroni ələyh canq ğeyri-ğanuniye

Çini xarici koon vəzir Pekinədə deştə İronıjə həmto bıə didodə çe amerkə iyən sehyonist rejimi bə İroni ələyh canqi ğeyri-ğanuni bey zıney,hartərəfinə otəşvəsi bərğərol kardeyış tələb kardə.

Vanq Yi votəşe:Bo deskalasiya şiddəti bəkam kardero bəştə səyon dəvom doeyro hozzımon.komilə surətədə otəşvəsi bərğərol kardey,qılə zəruri iyən mıtləğə koye.məntəğə çe qıləy tale təyinəkə devrəku dəvardə holədəy iyən çe dıqlə tərəfi miyono vindemonon zəruriye.Coqlə tərəfiku İroni xarici koon vəzir həm bın didoədə de Çini ğətiyyətinə mevğeyku məxsusən,amerkə iyən israyili məhkumi koyədə ğədrdonəti kardə holədə,Pekinış bo Tehroni səmimiyə dustış zıne və təkidış kardə ısətnə şərayitədə çe dıqlə kişfəri miyono həmkoəti bəsə dəvardə zəmonisə həm vey zumand bəbe.