Amerkə Senati Demokratə Kamiyon Lider: Trampi Prezdentəti Tam Qıləy Fəlokəte

Pars Tudey-Amerkə Senati Demokratə Kamiyon Lider Çak Şumer qıləy mesajədə AİŞ Prezdent Donald Trampi çın kişfəri xalği etıbo təmomən çe dasto doeyış bəyon kardə və bə Trampi prezdentəti tam qıləy fəlokət beyış təkid kardə.

Pars Tudey bə IRNA istinodən doə məlumoti əsos,Çak Şumer X sosyal medyaədə de qıləy mesaji bə CNN xəbə şəbəkə tərəfiku bardə bıə parsemoni istinod kardə holədə nıvıştəşe:Amerkəvıjon 72 fayiz çəy bə İroni ələyh mıhoribə ələyhin,79 fayizi bə Trampi benzini ğıyməton anqıl kardə koon ələyhin,73 ayiz çəy bə səhfə prioriteton malik bey bovə kardedən və Trampi bo xarcon bəkam kardey xoto kifoyət ğədərədə qıləy ko nıkardey bovə kardə amerkəvıjon ədəd bə 71 fayizi rəsə.