Əmə bə AİŞ-israyili məhvəri zidd qlobal və kutləvi informasiya şəbəkə icod bey barədə çiç zıneydəmon?
İslomi İnğılobi Mıhofizə Korpusi de iştimoiyyəti əloğədor şebə rəsmi Teleqram hisobi platforma tərəfiku blok kardeyış bəyon kardə.
Bə analitikon fiki əsos,ın qəm çı dınyo har vırəku bə İroni kəşfiyyot,hərbi və xəbə təşkiloton vığandə kutləvi iştimoyi məlumot ləpə cəvobən şodey bıə.
Bə İroni doə xəbon əsos,çe AİŞ-israyili bə İroni ələyh muhoribəku jıqoşə,çı dınyo har vırəku ziyodə rəğəmədə bıə inson məlumot vığaneyış bino kardə.
In kutləvi hərəkot fəğət de bənə Ğərbi Asiya və ya İordaniya və Kuveyti bıə kişfəron məhdud beydəni; Şərği Asiyaku tobə Latın Amerkə pevolo bıə.
De İroni səyfəon əloğə oqətə holədə,ın şəxson çe israyili hərbi və siyosi fəoliyyəton,həmən çe israyili mıvofiğə məntəğəonədə bıə aktivonışon ifşo kardə.
Mıtəxəssison ın fenomeni təmomən bənə mutəmərkiz nıbə,vətəndo əsosin qlobalə nəzorəti şəbəkə icod bey təsvir kardedən.
Şərhon və bə isə mesajon veyə paralel,əməli surətədə deştə dıli xoşi bıə informasiya sistemış icod kardə.
Analitikon hisob kardedən ki,AİŞ platformaon bo İroni hisobon bastero təzyiğ nışon doə holədə,bo ın milli informasiya zənciri darıştero cəhd kardedən.
Lakin de ın holi,İroni elonış kardə ki,ın maneyəon betəsir bəbe və mevcud bıə veyə əmniyyətinə platforma əvəz bəkarde.
