Əmə Vaşinqtoni de İraği devlətə koəvonon maaşon qirov peqətey iddiyo anqıl çiç zıneydəmon?
İraği hukuməti devlətə sektori maaşon pərdaxt kardeyədə de qıləy mırəkkəbə behroni dimbədim omey bəyon kardey bıə.
Çın behroni rişəon Vaşinqtonədə bey votey beydə.
2003-ə sori bə İraği hucumiku bəpeşt AİŞ bə çın kişfəri kənin natə bəroməon çe tənğidçiyon kvazi-mıstəmləkəçəti tevsif kardə mexanizmış tətbiğış kardə.
Bə ın sistemi əsosən,İrağ bo nati ixraciro bə isə çı hıryə kəsonku pərdaxti sey zıneydəni.
Çımi əvəzi,hıryə kəson vəsayiti çı Nyu-York Federal Ehtiyot Bankiku bəpe bəştə hisobi ekon.
Peşo Bağdad bo mol seyro və ya devlətə koəvonon maaşon pərdaxti məğsədonro bə ın vəsayiton dast pəydo kardero bəpe Vaşinqtoniku icozə bıstəno.
Isət xəbəonədə Vaşinqtoni de AİŞ dollari cərəyoni kam kardey,bə İraği ko həxı pərdaxtiyon və umumi ixtisodi sabitəti təzyiğ nışon doey iddiyo kardey beydə.
Hisoboton ın təzyiği de AİŞ-on silohinə mığoviməti qrupon tərkısiloh kardey tələbon əloğədor zıneydə.
Eyni zəmonədə,silohinə ekstremist qrupon xariciku bə İraği daxil bey zıney və nuyə ğeyri-sabitəti şuləvər kardey barədə fərziyyəon mevcude. Analitikon xəbərdorəti kardedən ki,ın,bənə Suriyadə bə əməl omə qıləy ssenariədə İraği bə nevbəti hədəf təbdil kardey bəzıne.
Daxili silohinə qrupon tərkısiloh kardey İraği bə ayəndə əmniyyəti təhdidon ələyh həni həm bə həssosə holi vardey zınə qıləy ssenari.
